ព័ត៌មានជាតិ

រន្ធត់! បែនដឹកដី២គ្រឿងបុកគ្នាដូចរន្ទះ ស្លាប់ម្នាក់ក្រោយបញ្ជូនដល់មន្ទីរពេទ្យ

កំពង់ស្ពឺ: លោកអធិការរងស្រុកថ្ពង បានប្រាប់ Post News មានករណីគ្រោះថ្នាក់ចរាចរណ៍រវាងរថយន្តបែនដឹកដី និងរថយន្តបែនដឹកដីដូចគ្នា បើកបរបញ្ច្រាសទិសគ្នា បណ្តាលឲ្យរបួសធ្ងន់ម្នាក់។

ហេតុការណ៍នេះបានកើតឡើងកាលពីវេលាម៉ោង១០និង២០នាទីយប់ ថ្ងៃទី ១១ ខែឧសភា ឆ្នាំ២០១៧ នៅលើផ្លូវជាតិលេខ៤៤ ចន្លោះគីឡូម៉ែត្រលេខ ៨៦-៨៧ ស្ថិតក្នុងភូមិអូរអង្គុំ ឃុំអមលាំង ស្រុកថ្ពង ខេត្តកំពង់ស្ពឺ។

លោកអធិការរងបន្តថា មុនពេលកើតហេតុ គេឃើញរថយន្តម៉ាកអ៊ីស៊ុយៗ ពណ៌សរ ពាក់ស្លាកលេខ ភ្នំពេញ 3A-2658 កង់៦ អ្នកបើកបរមិនស្គាល់ឈ្មោះ(រត់គេចខ្លួនបាត់) បើកពីលិចទៅកើត បើកមកដល់ចំណុចកើតហេតុខាងលើ បានបុកគ្នាជាមួយរថយន្តម៉ាក៨តោន ភ្លៅ៥ ពណ៌ប្រផេះ ពាក់ស្លាកលេខ គមនាគមន៍ ៣-០៧៣៨ ផលិតនៅប្រទេសចិន បើកបរពីកើតទៅលិច ដោយឈ្មោះ ផេង ភក្តី ភេទប្រុស អាយុ៤៥ឆ្នាំ រស់នៅភូមិបាលង្គ័ ឃុំបាលង្គ័ ស្រុកបារាយ ខេត្តកំពង់ធំ បណ្តាលឲ្យអ្នកបើកបររបួសធ្ងន់បានបញ្ជូនទៅមន្ទីបង្អែកឧដុង្គ ប៉ុន្តែបានដាច់ខ្យល់ស្លាប់នៅមន្ទីពេទ្យតែម្ដង។

ក្រោយពីកើតហេតុ សមត្ថកិច្ចបានចុះទៅដល់កន្លែងកើតហេតុ ធ្វើកំណត់ហេតុ និងនាំយករថយន្តខាងលើបញ្ជូនមករក្សាទុកនៅអធិការដ្ឋានដើម្បីចាត់ការតាមនីតិវិធីច្បាប់៕

មតិយោបល់