ឧត្តរមានជ័យ: កាលពីវេលាម៉ោង១១និង៣០នាទី ថ្ងៃទី១៩ ខែឧសភា ឆ្នាំ២០១៦ ប្រជាពលរដ្ឋចំនួន៣១គ្រួសារ នៅក្នុងឃុំត្រពាំងប្រិយ៍ និងឃុំត្រពាំងតាវ នៃស្រុកអន្លង់វែង ដែលរងគ្រោះដោយសារខ្យល់កន្ត្រាក់ ត្រូវបានទទួលអំណោយសង្គ្រោះពីសាខាកាកបាទក្រហមកម្ពុជា ខេត្តឧត្តរមានជ័យ។
អំណោយខាងលើ នាំមកចែកជូនដោយ លោកស្រី ឯក សុវណ្ណភីរ: អភិបាលរងខេត្តឧត្តរមានជ័យ លោក ហោ ជិនវិរយុទ្ធ អភិបាលនៃគណ:អភិបាលស្រុកអន្លង់វែង និងមន្ត្រីជុំវិញខេត្ត និងស្រុក ព្រមទាំងកងកម្លាំងប្រដាប់អាវុធទាំង៣ប្រភេទ។
ក្នុងនោះមួយគ្រួសារ ទទួលបានអង្ករ២៥គីឡូក្រាម មី១កេះ ត្រីខ១យួរ ទឹកស៊ីអ៊ីវ១យួរ និងឃីត១កញ្ចប់ ៕
មតិយោបល់