ព័ត៌មានជាតិ

នារីរូបស្រស់ម្នាក់ឈប់ម៉ូតូភ្លេចខ្លួនមួយភ្លែត ត្រូវចោរកាច់កយកទៅបាត់ដោយសុវត្ថិភាពក្នុងបុរីសូនី

ភ្នំពេញ: នារីរូបស្រស់ ម្នាក់ បានមកដាក់ពាក្យបណ្តឹងនៅប៉ុស្តិ៍នគរបាលស្ទឹងមានជ័យ ខណ:ពេលដែលក្រុមចោរចំនួន២នាក់ បានធ្វើសកម្មភាពលួចយកម៉ូតូ Scoopy បានសម្រេចដោយសុវត្ថិភាព។

ហេតុការណ៍នេះ បានកើតឡើងកាលពីវេលាម៉ោង៣ និង៣០នាទី រសៀល ថ្ងៃទី១៧ ខែឧសភា ឆ្នាំ២០១៧ ស្ថិតក្នុងបុរីសូនី ផ្លូវបេតុង ផ្ទះលេខ៤៣៦ សង្កាត់ស្ទឹងមានជ័យ ខណ្ឌមានជ័យ រាជនីភ្នំពេញ។

បើយោងតាមសម្តីនារីរងគ្រោះខាងលើមានឈ្មោះ រៀម ស្រីណែត អាយុ១៩ឆ្នាំ មុខរបរសិស្ស បានឲ្យដឹងថា មុនពេលកើតហេតុ រូបនាងបានជិះម៉ូតូ ចេញពីផ្ទះនៅមុខផ្សារហេងលី ផ្លូវ២៧១ សង្កាត់ទឹកថ្លា ខណ្ឌសែនសុខ គោលបំណងយកលុយមកសងមិត្តភក្តិនៅក្នុងបុរីសូនី ចំណុចកើតហេតុ ដោយបានចតម៉ូតូនៅមុខផ្ទះមិត្តភក្តិដើម្បីដើរចូលហៅមិត្ត មិនបានមួយប៉ព្រិចភ្នែកផង ក៏លេចមុខជនសង្ស័យ២នាក់ជិះម៉ូតូមួយគ្រឿង មិនចាំស្លាកលេខ បានធ្វើសកម្មភាពលួចម៉ូតូរបស់នាងម៉ាកScoopy ពណ៌ផ្កាឈូក ពាក់ស្លាកលេខ ភ្នំពេញ 1BJ-6929 និងលុយខ្មែរ៣០ម៉ឺនរៀល ទុកក្នុងកែបម៉ូតូបានសម្រេចគេចខ្លួនបាត់ដោយសុវត្ថភាពតែម្តង៕

មតិយោបល់