កោះកុង: លោកអធិការស្រុកកោះកុង បានប្រាប់ Post News ថា មានករណីគ្រោះថ្នាក់ចរាចររថយន្តបុកគ្នា នៅចន្លោះគីឡូម៉ែត្រលេខ៨៤-៨៥ ចំណុចអន្លង់តាកែវ ស្ថិតក្នុងភូមិត្រពាំងរូង ឃុំត្រពាំងរូង ស្រុកកោះកុង។

រថយន្តបង្កម៉ាកនីសាន់ ពណ៌ស ពាក់ស្លាកលេខ ភ្នំពេញ2AI-4129 បើកបរដោយឈ្មោះ តាំង សុភ័ក ភេទប្រុស អាយុ២២ឆ្នាំ ស្នាក់នៅផ្ទះលេខ ០៩២A ភូមិបន្សាំង ឃុំចំប៉ា ស្រុកប្រៃកប្បាស ខេត្តតាកែវ។

ចំណែករថយន្ត១គ្រឿងទៀត ម៉ាកសាំងយ៉ុង ពណ៌លឿង គ្មានស្លាកលេខ បើកបរដោយឈ្មោះ ឯម សុភ័ក ភេទប្រុស អាយុ២៣ឆ្នាំ ស្នាក់នៅភូមិពោធិតូច ឃុំកំពងហ្លួង ស្រុកពញាឮ ខេត្តកណ្តាល។

ករណីនេះមានអ្នករបួសម្នាក់ ឈ្មោះរុន ភេទប្រុស អាយុ២៧ឆ្នាំ ជព្រូឡានរថយន្តសាំងយ៉ុង។

ក្រោយពីកើតហេតុ សមត្ថកិច្ចបានចុះទៅដល់កន្លែងកើតហេតុ ធ្វើការវាស់វែង និងនាំយករថយន្តទាំង២គ្រឿងមករក្សាទុក រង់ចាំការដោះស្រាយគ្នាពេលក្រោយ៕