ភ្នំពេញ: នៅថ្ងៃទី៦ខែមេសានេះលោកស្រី ម៉ែន សំអន ឧបនាយករដ្ឋមន្រ្តីរដ្ឋមន្រ្តីក្រសួងទំនាក់ទំនង ជាមួយ រដ្ឋសភា-ព្រឹទ្ធសភា និងអធិការកិច្ចតំណាងដ៏ខ្ពង់ខ្ពស់សមេ្តចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីអញ្ជើញជាអធិបតីក្នុងពិធី ផ្ទេរ និងចូលកាន់តំណែង រដ្ឋមន្ត្រីក្រសួងធម្មការ និងសាសនា។
នាឱកាសនោះដែរលោកស្រី ឧបនាយករដ្ឋមន្ត្រីម៉ែន សំអនមានប្រសាសន៌លើកឡើងថា៖តាងនាម
សម្តេចអគ្គមហាសេនាបតីតេជោ ហ៊ុន សែន នាយក រដ្ឋមន្រ្តី រាជរដ្ឋា
ភិបាល បានធ្វើការផ្ទេរតំណែង ឬការរុះរើ កែសម្រួលគណ:រដ្ឋមន្ត្រីនេះ គឺធ្វើឡើងចំពេលដែលរាជរដ្ឋាភិបាលកម្ពុជា ដែលដឹកនាំ
ដោយ សម្តេចអគ្គមហាសេនាបតីតេជោ ហ៊ុន សែន បានដំណើរការពាក់កណ្តាលអាណត្តិ ក្រោយពីការបោះឆ្នោត ជ្រើសតាំងរដ្ឋសភា
នីតិកាលទី៥នេះ ដើម្បីបន្តការងារឆ្ពោះទៅអណត្តិក្រោយៗទៀត។
លោកស្រីឧបនាយករដ្ឋមន្ត្រី មានប្រសាសន៍បញ្ជាក់ទៀតថា ការផ្ទេរតំណែងនេះ គឺជាកិច្ចការធម្មតា របស់រាជរដ្ឋាភិបាល ដើម្បីពង្រឹងប្រសិទ្ធភាពការងារក្នុងកិច្ចការកំណែទំរង់រដ្ឋបាល និងការអនុវត្តយុទ្ធសាស្ត្រចតុកោណដំណាក់កាលពី៣ របស់ខ្លួន។
លោកស្រី ឧបនាយករដ្ឋមន្ត្រី បាន ចាត់ទុកវិស័យធម្មការ និងសាសនា ពិតជាមានសារ:សំខាន់ណាស់
ក្នុងការអភិវឌ្ឍន៍សង្គមកម្ពុជា ព្រោះប្រជាជនកម្ពុជាទាំងមូល មាន ជំនឿសាសនាតាមការនិយមប្រតិបត្តិ និងតាមប្រពៃណីរបស់ខ្លួន ដែលជាផ្នែកមួយនៃអត្តសញ្ញាណរបស់ជាតិ។
មាត្រា៤៣ នៃរដ្ឋធម្មនុញ្ញ បានបញ្ជាក់យ៉ាងច្បាស់ថា ប្រជាពលរដ្ឋទាំងពីរភេទ មាន សិទ្ធិពេញទីខាងជំនឿ។ សេរីភាពខាងជំនឿ និងការប្រតិបត្តិ ខាងផ្លូវ សាសនាត្រូវបានរដ្ឋធានាក្នុងលក្ខខណ្ឌ ដែលមិនប៉ះពាល់ដល់ជំនឿ ឬសាសនាដទៃ ទៀត និងដល់សណ្តាប់ធ្នាប់ និង សន្តិសុខសាធារណ:។
បច្ចុប្បន្នប្រជាពលរដ្ឋទាំងអស់មានសិទ្ធិនិងសេរីភាពគ្រប់បែបយ៉ាងហើយសេរីភាពនៃជំនឿសាសនាក៏បានកកើតឡើងវិញ និងរីកចម្រើនជាលំដាប់។ប្រជាពលរដ្ឋកម្ពុជាគ្រប់រូបមានឱកាស និងសិទ្ធិពេញ បរិបូរណ៍ ក្នុងការធ្វើបុណ្យតាមប្រពៃណីជំនឿសាសនារៀងៗខ្លួន។ ដូច្នេះក្រសួងធម្មការ និងសាសនា ដែលជាសេនាធិការ របស់ រាជរដ្ឋាភិបាលពិតជាមានតួនាទីស្នូល ក្នុងការគ្រប់គ្រសម្របសម្រួល
និងអភិវឌ្ឍន៍វិស័យធម្មការ និងសាសនា ដើម្បីរួមចំណែកកសាងប្រទេសជាតិ។
លោកស្រី ឧបនាយករដ្ឋមន្ត្រីបានបញ្ជាក់ថា៖រាជរដ្ឋាភិបាលបានខិតខំប្រឹងប្រែងក្នុងការអភិវឌ្ឍន៍វិស័យ ធម្មការនិងសាសនា ជាពិសេស ព្រះពុទ្ធសាសនា ដែលជា សាសនា របស់រដ្ឋ ដើម្បីជាប្រយោជន៍ក្នុងការរួមចំណែកពង្រឹងសាមគ្គីភាព
ការលើកកម្ពស់វប្បធម៌នៃការយោគ យល់គ្នាក្នុង ចំណោមពុទ្ធសាសនិក ក៏ដូចជាប្រជាជនកម្ពុជារបស់យើងទាំងអស់ នៅពេល
អនាគត។ ក្រៅពីព្រះពុទ្ធសាសនា រាជរដ្ឋាភិបាលក៏បានយកចិត្តទុកដាក់ និង អនុញ្ញាតិឲ្យប្រជាពលរដ្ឋយើងគោរព សាសនាដ៏ទៃទៀត
ដូចជា ឥស្លាម សាសនា គ្រឹស្តសាសនា និងសាសនាដ៏ទៃទៀត និងត្រូវធានាថា សាសនាទាំងអស់នឹងមិនបង្កទំនាស់
និងគំរាមកំហែងដល់ស្ថិរភាពនិងសន្តិសុខជាតិជាដាច់ខាត៕
មតិយោបល់