តាកែវ: យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា នៅថ្ងៃទី១៩ ខែឧសភា ឆ្នាំ២០១៧ វេលាម៉ោង ៩និង១០នាទី ព្រឹក មានករណីក្មេងប្រុសម្នាក់លង់ទឹកស្លាប់ នៅចំណុចលូ៩៤ ស្ថិតនៅភូមិតាអី ឃុំបាស្រែ ស្រុកអង្គរបូរី ខេត្តតាកែវ ។

សមត្ថកិច្ចបានឲ្យដឹងថា កុមារារងគ្រោះឈ្មោះ វ៉ា ខ្នា អាយុ៨ឆ្នាំ រស់នៅនៅភូមិឃុំ កើតហេតុខាងលើ បានទៅឃ្វាលគោ រួចដេញគោឆ្លងទឹកព្រែក ចំណុចខាងលើប្រហែលជា ១០០ ម៉ែត្រ ក៏រអិលជើងធ្លាក់ចូលបណ្តាលឲ្យលង់ទឹកស្លាប់។

មុនពេលកើតហេតុ គេឃើញក្មេងប្រុសខាងលើទៅឃ្វាលគោ ដោយមិនឃើញត្រលប់មកផ្ទះ ពូ មីង បងប្អូន ក៏ដើររកមើលនៅម្តុំមាត់ព្រែកក៏ស្រាប់តែឃើញទ្រនាប់ ជើងនៅមាត់ព្រែក បាននាំគ្នាចុះមុជទឹករាវរក ក៏ប្រទះឃើញកុមារារងគ្រោះបានស្លាប់បាត់ទៅហើយ។

ក្រោយពីកើតហេតុ សមត្ថកិច្ចបានចុះទៅដល់កន្លែងហេតុ ធ្វើកំណត់ហេតុនិងប្រគល់សាកសព កុមារារងគ្រោះ ជូនក្រុមគ្រួសារធ្វើបុណ្យតាមប្រពៃណី៕