ភ្នំពេញៈ ហេតុការណ៍ភ្ញាក់ផ្អើលមួយកើតឡើង បន្ទាប់ពីប្រជាពលរដ្ឋ បានប្រទះឃើញម៉ូតូម៉ាក ស្កុបពី មួយគ្រឿង ត្រូវជនមិនស្គាល់អត្តសញ្ញាណ យកមកប្លុងចោលតាមបណ្តោយផ្លូវ៦០ម៉ែត្រ។

ហេតុការណ៍ភ្ញាក់ផ្អើលខាងលើនេះ បានកើតឡើងកាលពីម៉ោង១១ព្រឹក ថ្ងៃទី២២ខែឧសភា ឆ្នាំ២០១៧ ក្នុងសង្កាត់ជើងឯក ខណ្ឌដង្កោ រាជនីភ្នំពេញ។

ម៉ូតូខាងលើនេះ ត្រូវបានប្រជាពលរដ្ឋធ្វើដំណើរនៅទីនោះ បានប្រទះឃើញ គឺជាម៉ូតូម៉ាកស្កុបពី ពណ៌ស លាយក្រហម ពាក់ស្លាកលេខ កណ្តាល 1Q-5653 ត្រូវបានជនមិនស្គាល់មុខ ជិះយកទៅប្លុងចោល ក្នុងវាលស្បូវ មួយកន្លែង ដោយពុំឃើញមានម្ចាស់នោះឡើយ ដោយមានការសង្ស័យ ទើបរាយការណ៍ជូនសមត្ថកិច្ចនគរបាលមូលដ្ឋានតែម្តង។

បន្ទាប់ពីទទួលបានសេចក្តីរាយការណ៍ពីប្រជាពលរដ្ឋរួចមក សមត្ថកិច្ចនគរបាលប៉ុស្តិ៍ជើងឯក បានចុះទៅដល់កន្លែងកើតហេតុ ដើម្បីធ្វើការត្រួតពិនិត្យនិងស្រាវជ្រាវ រកម្ចាស់ម៉ូតូខាងលើ ឲ្យយកឯកសារពាក់ព័ន្ធ មកទទួលយកម៉ូតូរបស់ខ្លួនវិញផងដែរ ម្យ៉ាងដើម្បីដឹងថា តើម៉ូតូនេះ ពាក់ពន្ធ័នឹងករណីអ្វីដែលឬក៏អត់៕