ភ្នំពេញ៖ នៅល្ងាចថ្ងៃ៥ មេសាប្រតិភូគណ:កម្មាធិការប្រជាជនវៀតណាម ខេត្តកៀនយ៉ាង និងជាអនុប្រធាន ប្រចាំការនៃ 
គណកម្មាធិការ បក្សខេត្ត ដឹកនាំដោយលោកស្រីដាំង ទ្វៀត ឯម ជាប្រធានបានជួបសម្តែងការគួរសមនិងជូនពរ អាជ្ញាធរ រាជធានី 
ក្នុងឱកាសបុណ្យ ប្រពៃណីចូលឆ្នាំខ្មែរ ដែលនឹងឈានចូលមកដល់នាថ្ងៃទីខាងមុខនេះ។
អភិបាលរងរាជធានីភ្នំពេញ លោក ប៊ុន សេរី ក្នុងឱកាសនោះបានមានប្រសាសន៍ស្វាគមន៍ ចំពោះគណ:ប្រតិភូទាំងអស់ 
ដែលបានយកចិត្តទុកដាក់និងចំណាយពេលវេលាក្នុងការមកសួរសុខទុក្ខនិងជូនពរដល់សាលារជធានីភ្នំពេញពិសេសក្នុងពេលដែល
ប្រទេសកម្ពុជាទាំងមូល នឹងប្រារព្ឋពិធីបុណ្យចូលឆ្នាំថ្មីប្រពៃណីជាតិនៅពេលខាងមុខនេះ។
ជាមួយគ្មានេះលោកអភិបាលរងរូបនេះក៏ បានលើកឡើងពីការរីកចម្រើនរបស់រាជធានីដែលសព្វថ្ងៃ កំពុងការប្រឈមចំពោះ 
ការកកស្ទះចរាចរណ៍គឺដោយសារកំណើនយានយន្តមានកំណើនកើនឡើង ដោយសារជីវភាព ប្រជាជនក្នុងរាជធានីមានកម្រិត 
ជីវភាពកាន់តែធូរធារ។
លោកស្រីដាំង ទ្វៀត ឯម ប្រធានប្រតិភូគណ:កម្មាធិការប្រជាជនវៀតណាមខេត្តកៀនយ៉ាងនិងជាអនុប្រធានប្រចាំការ 
នៃគណកម្មាធិការបក្សខេត្តក្នុងឱកាសនោះបានមានប្រសាសន៍ ចូលរួមសាទរនិងជូនពរ ក្នុងឱកាសចូលឆ្នាំថ្មីប្រពៃណីកម្ពុជា 
ក្នុងភាតរ:ភាពរវាងប្រទេសភូមិផងរបងជាប់គ្នា ហើយពិសេសនោះគឺការសាមគ្គីគ្នាដូចជាបងប្អូនក្នុងការធ្វើឲ្យសេដ្ឋកិច្ច វប្បធម៌ 
នៃប្រទេសនីមួយៗដើម្បីផ្លាស់ប្តូរកិច្ចសហប្រតិបត្តិការគ្នាជួយគ្នាទៅវិញទៅមកឲ្យមានការរីកចម្រើនទៅអនាគត។
ក្នុងឱកាសនោះប្រតិភូគណ:កម្មាធិការប្រជាជនវៀតណាមខេត្តកៀនយ៉ាងក៌បានជូនវត្ថុអនុស្សាវរីយ៍ទៅវិញទៅមកព្រមទាំងអញ្ជើញពិ
និត្យនូវប្លង់គោលសាលារាជធានីផងដែរ។ ក្នុងអំឡុងនៃការចុះមកសួសុខទុក្ខនិងជូនពរនេះគណ:ប្រតិភូគណ:កម្មាធិការប្រជាជន 
វៀតណាមខេត្តកៀនយ៉ាងក៏បានអញ្ជើញជូនពរ ស្ថាប័នមួយចំនួនទៀតផងដែរ ក្នុងនោះរួមមាន សួរសុខទុក្ខនិងជូនពរឆ្នាំថ្មី 
នៅអគ្គនាយកដ្ឋានស្នងការដ្ឋាននគរបាលជាតិ កងរាជះវុធហត្ថលើផ្ទៃប្រទេស បញ្ជាការដ្ឋានកងទ័ពជើងគោក យោធភូមិភាគទី3 
និងនៅខេត្តតាកែវផងដែរ៕