ស្វាយរៀងៈ ភ្នាក់ងារសារព័ត៌មាន Post News និងក្រុមអ្នកយកព័ត៌មានស្ថានីយទូរទស្សន៍ប៉ុស្ដិ៍លេខ៣ រួមទាំងក្រុមការងារព័ត៌មានមនុស្សធម៌ខណ្ឌសែនសុខ បន្តនាំយកអំណោយសប្បុរសជនទៅជូនទុរគតជន និងចាស់ជរាចំនួន២គ្រួសារ កាលពីថ្ងៃទី២០ ខែឧសភា ឆ្នាំ២០១៦ ស្ថិតនៅភូមិតាប៉ ឃុំតាសួស ស្រុកស្វាយជ្រុំ ខេត្តស្វាយរៀង។

តាមគម្រោង នៅថ្ងៃទី២៧ ខែឧសភានេះដែរ ក្រុមការងារព័ត៌មានមនុស្សធម៌ខណ្ឌសែនសុខ នឹងបន្តនាំយកអំណោយទៅជូនទុរគតជនចាស់ជរា នៅស្រុកកំពង់ស្វាយ ខេត្តកំពង់ធំ បន្តទៀត។

ឆ្លៀតឱកាសនេះ Post News សូមគោរពថ្លែងអំណរគុណដល់សប្បុរសជន រួមមាន ទី១លោកលោកស្រី វ៉ាន់ លុយ អគ្គនាយិការទឹកបរិសុទ្ធ EURO TECH ឧបត្ថម្ភទឹកបរិសុទ្ធ៥កេស និងថវិកា៨ម៉ឺនរៀល ទី២ព្រះចៅអធិការវត្តទឹកថ្លា អង្ករ៥០គីឡូក្រាម ទឹកដោះគោ ស្ករស តែ និងថវិកា១០ម៉ឺនរៀល ទី៣ព្រះចៅអធិការវត្តស្ទឹងមានជ័យ និងព្រះគ្រូសូត្រឆ្វេង អង្ករ៥០គីឡូក្រាម មី២កេស ថវិកា៥ម៉ឺនរៀល ទី៤ព្រះតេជគុណ សាត សុផល្លី វត្តសាក់សំពៅ អង្ករ៤០គីឡូក្រាម សម្ភារមួយចំនួន និងថវិកា៩ម៉ឺនរៀល ទី៥លោក ជា ហេង និងភរិយា៥ម៉ឺនរៀល ទី៦លោក ញ៉ឹក កុសល ហៅហួរ មី១កេស ទី៧ប្អូនស្រី គង់ សុខឈាន ភ្នំពេញ ថវិកា៥ដុល្លារ ទី៨ប្អូនស្រី វង្ស ទេវី ភ្នំពេញ ថវិកា៥ដុល្លារ ទី៩លោកអនុសេនីយ៍ត្រី ឃុន ឈុនលាង ខណ្ឌសែនសុខ ថវិកា៤ម៉ឺនរៀល រួមម្ចាស់វីង ថវិកា២ម៉ឺន៦ពាន់រៀល។

បងប្អូនសប្បុរសជនមានបំណងចង់ជួយឧបត្ថម្ភដល់ទុរគតជន ចាស់ជរាគ្មានទីពឹង តាមជនបទដាច់ស្រយាលនានា សូមទាក់ទងមកលោក រាជ សារ៉ាត់ ភ្នាក់ងារទូរទស្សន៍ប៉ុស្ដិ៍លេខ៣ និង Post News លោក តូ សុផល ប្រធានព័ត៌មាន TNN លោក សុខ ស៊ីឌី ភ្នាក់ទូរទស្សន៍ហង្សមាស និងលោក តុង សីហា ភ្នាក់ងារ TV3 និងនគរវត្ត តាមរយៈលេខ 016 571 122។ សូមអរគុណ៕