ឧត្តរមានជ័យ ៖ មានអំពើហិង្សាក្នុងគ្រួសារដុតផ្ទះខ្លួនឯងឆេះខ្ទេច កាលពីវេលាម៉ោង៥និង១០នាទី ថ្ងៃទី៦ ខែមេសា ឆ្នាំ២០១៦ នៅចំណុចភូមិគោកសំព័រ ឃុំលំទង ស្រុកអន្លង់វែង ខេត្តឧត្តរមានជ័យ។
អាវុធហត្ថស្រុកអន្លង់វែង បានឲ្យដឹងថា ជនបង្ក ឈ្មោះ ចាយ សារី ភេទប្រុសអាយុ៥៦ឆ្នាំមុខរបរធ្វើស្រែ នៅភូមិ ឃុំ ខាងលើ មូលហេតុខឹងជាមួយកូនស្រីយកលុយចំនួន២០០០០រៀល ទៅទិញរ៉ូបយកមកស្លៀក ក៏ឈ្លោះប្រកែកជាមួយប្រពន្ធ ឈ្មោះម៉ី គា ភេទស្រីអាយុ៤៦ឆ្នាំ រហូតដល់វេលាម៉ោង៥និង១០នាទីថ្ងៃដ៏ដែលជនសង្ស័យ បានយកសាំងចាក់ដុតផ្ទះខ្លួនឯង ដែលមានទំហំ ៧គុណ១២ម៉ែត្រថ្ម ក្រោមឈើលើប្រក់ ក្បឿង ព្រមទាំងតូបលក់ដូរខាងមុខផ្ទះ ដែលមានទំហំ៥គុណ៦ម៉ែត្រ ធ្វើពីថ្ម ប្រក់ស៊ីប្រូ ឆេះអស់ទាំងស្រុងសម្ភារៈ ខូចខាត គិតជាទឹកប្រាក់សរុប៥៥០០០ដុល្លា បច្ចុប្បន្នជនសង្ស័យបានរត់គេចខ្លួនបាត់ស្រមោល៕
មតិយោបល់