ពោធិ៍សាត់: លោកអធិការស្រុកភ្នំក្រវ៉ាញបានប្រាប់ Post Newsថា មានករណីអត្តឃាតមួយកើតហេតុដោយស្ត្រីម្នាក់ បានធ្វើសកម្មភាពចងកសម្លាប់ខ្លួនជាមួយនឹងខ្សែគោ បណ្តាលឲ្យស្លាប់យ៉ាងអាណោចអាធ័ម។

ហេតុការណ៍នេះបានកើតឡើងកាលពីវេលាម៉ោង៥ព្រឹក ថ្ងៃទី១៧ ខែមិថុនា ឆ្នាំ២០១៧ ស្ថិតនៅចំណុច ភូមិជង្រុក ឃុំផ្ទះរុង ស្រុកភ្នំក្រវ៉ាញ ខេត្តពោធិ៍សាត់។

សមត្ថកិច្ចបានឲ្យដឹងថា សាកសពជនរងគ្រោះខាងលើនេះមានឈ្មោះ ឡឹក សាន ភេទស្រី អាយុ៥៥ឆ្នាំ ស្នាក់នៅភូមិកើតហេតុខាងលើ។

ក្រោយពីកើតហេតុហើយនោះ សមត្ថកិច្ចជំនាញបានដឹកនាំកម្លាំងចុះទៅធ្វើការត្រួតពិនិត្យនិងធ្វើកោសល្យវិច័យទៅលើសាកសពជនរងគ្រោះបានឲ្យដឹងថា សពខាងលើពិតជាស្លាប់ដោយការតែធ្វើអត្តឃាត ចងកសម្លាប់ខ្លួនពិតប្រាកដមែន មិនមែនជាករណីឃាតកម្មអ្វីនោះទេ ហើយចំពោះមូលហេតុគឺកើតឡើងដោយសារតែការប្រចណ្ឌ័៕