ភ្នំពេញ៖ ឃ្លិបវីដេអូឃ្លិបមួយ ដែលបង្ហាញពីស្នេហារបស់យុវវ័យ ដែលបង្កើតឡើងដោយ ក្រុម ឡូយ៩ បានធ្វើឲ្យមនុស្សជាច្រើនចាប់អារម្មណ៍លើឃ្លា ពាក្យថា “បងស្រលាញ់អូន” ។ ពាក្យថា “ស្រលាញ់” វាមានអត្ថន័យជ្រាលជ្រៅណាស់ ដោយអាចប្រើចំពោះ អ្នកមានគុណ និង អ្នកជាទីស្រលាញ់ផ្សេងទៀត រួមទាំងម្ចាស់បេះដូងផងដែរ ។ ពាក្យនេះ ត្រូវបានគេយល់ឃើញថា នៅពេលដែលប្រើថា “បងស្រលាញ់អូន” អាចមានន័យថា បងចង់រួមរ័ក ឬដេកជាមួយនឹងអូន បញ្ច្រាសមកវិញ បើសិនជាស្រីប្រើវិញ ថា “អូនស្រលាញ់បង” តើអាចមានន័យថា “អូនចង់រួមរ័ក ឬដេកជាមួយបង” ដែរឬទេ ?
ក្នុងឃ្លិបនេះ មាន មាន សូនីតា និយាយឌឺដងឲ្យបងប្រុសក្នុងសាច់រឿងថា “សណ្តានមនុស្សប្រុសចឹងហើយ បងស្រលាញ់អូន បានន័យថាបងចង់ដេកជាមួយនឹងអូន” ។
ចំណុចនេះបានក្លាយជា សំនួរពិភាក្សាលើអនឡាញ ដោយមានអ្នកលេងបណ្តាញសង្គមហ្វេសប៊ុកចាប់អារម្មណ៍យ៉ាងព្រោងព្រាត នាំគ្នាវែកញែក រកហេតុនិងផល មកដោះស្រាយ ។
មានអ្នកអនឡាញ និង ក្រៅសង្គមបណ្តាញនេះបានបញ្ជាក់ថា ពាក្យ “បងស្រាលាញ់អូន” ពេលខ្លះវាអាចស៊កសៀត ដោយសំដៅលើពាក្យថា “ចង់រួមរ័ក” ។ ក៏ប៉ុន្តែអ្នកខ្លះវិញ ថាវាមិនចឹងទាំងអស់នោះទេ ពាក្យនេះវាគ្រាន់តែបង្កប់អត្ថន័យ នៅពីក្រោយសុភមង្គលគ្រួសារដែល ពួតដៃគ្នារកស៊ី រួមរស់ចិត្តមួយថ្លើមមួយ ហើយសុភមង្គលនេះក៏កើតចេញ ពីដំណេកតណ្ហានេះផងដែរ ។
បើតាមការបកស្រាយរបស់បណ្តាវេជ្ជបណ្ឌិតផ្នែកសុខភាព និងផ្លូភេទ ទាក់ទិនរឿងស្នេហា ឬស្រាលាញ់នេះបានឲ្យដឹងថា ៖ ស្នេហាមានច្រើនប្រភេទណាស់។ មានស្នេហាបែបរ៉ូមែនទិក ឬ ឆេះឆួល ដែលគួរអោយរំភើប និង គួរអោយរំជើបរំជួលចិត្ត។ បេះដូងលោតកាន់តែលឿន អ្នកក៏កាន់តែមានអារម្មណ៍ថា ផ្កាភ្លើងអគ្គិសនីដែលរសាត់មកតាមខ្យល់បានហោះចេញ នៅពេលដែលអ្នកបានជួបមនុស្សដែលអ្នកស្រលាញ់។
ស្នេហាប្រភេទនេះមានជំរៅជ្រៅ តែវាក៏នឹងឆាប់សាបរលាប និង មានការឈឺចាប់ផងដែរ។ ស្នេហាប្រភេទនេះអាចនឹងរលាយបាត់បង់ ឬ ចាស់រស់រានមានជីវិតក្លាយទៅ ”ស្នេហាចាស់ទុំ” ឬ “ស្នេហាបែបគូរកន” ដែលគេគិតថាវាជា អំណាចស្នេហាពិតមែន។
“ស្នេហាចាស់ទុំ” រួមបញ្ចូលនូវមិត្តភាព ការចាប់អារម្មណ៍លើរូបរាងកាយ ចំណង់ផ្លូវភេទ ការនៅជាមួយគ្នា និង ការប្តេជ្ញាចិត្ត។ ដៃគូរទាំងពីរនេះអាចជាមិត្ត និង ដៃគូស្នេហា។ ពួកគេទាំងពីរពិតជាបារម្ភពីសុខទុកគ្នាទៅវិញទៅមក ។ ពួកគេគោរពដៃគូស្នេហារបស់ពួកគេដូចការគោរពខ្លួនឯង ។ ពួកគេមានភាពស្មោះត្រង់ ទៀងត្រង់ ចិត្តទូលាយ ចេះយល់ចិត្តគ្នា ចេះអធ្យាស្រ័យគ្នា ចេះទទួលយកគ្នា ជិតស្និទ្ឋទាំងផ្លូវកាយ និង ផ្លូវចិត្ត។
ស្នេហាបែបចាស់ទុំនេះនៅស្ថិតស្ថេរបានយូរ តែត្រូវការខិតខំប្រឹងប្រឹងបណ្តុះបណ្តាល និង ធ្វើអោយស្នេហានេះកាន់តែប្រសើរ។ ដៃគូស្នេហាទាំងពីរដឹងថា ដើម្បីអោយទំនាក់ទំនងគេឆ្ពោះទៅមុខ គេចាំបាច់ត្រូវមានការប្តេជ្ញាចិត្តចំពោះទំនាក់ទំនង និង ចំពោះដៃគូរបស់ពួកគេ ក៏ដូចជាខិតខំប្រឹងប្រែងទាំងអស់គ្នាសំរាប់ភាពជោគជ័យនេះ៕
ទស្សនាឃ្លិបដូចខាងក្រោមនេះ៖
មតិយោបល់