ភ្នំពេញ ៖ កម្លាំងសមត្ថកិច្ច កងរាជអាវុធហត្ថរាជធានី សហការជាមួយ ប៉េអិមខណ្ឌសែនសុខ បាន បង្ក្រាបការជួញដូរ និងប្រើប្រាស់គ្រឿងញៀនចំនួន២ទីតាំង ក្នុងសង្កាត់ ទឹកថ្លា តែមួយ ជាលទ្ធផលចាប់ខ្លួនមនុស្ស ចំនួន១៨នាក់ កាលពីយប់ថ្ងៃទី០៥ ខែមីនា ឆ្នាំ ២០១៦ ។
អាវុធហត្ថរាជធានី បានឲ្យដឹងថា ជនសង្ស័យដែលត្រូវបានឃាត់ខ្លួន ជាប់ពាក់ព័ន្ធគ្រឿងញៀន ទាំង២០នាក់ នោះ ទី១.ចាប់ ខ្លួននៅក្នុងផ្ទះសំណាក់ អប្សរា ក្នុងភូមិស្លែងរលើង សង្កាត់ទឹកថ្លា បានចំនួន០២នាក់ ដកហូតបានថ្នាំញៀន១កញ្ចប់ និងឧបករណ៍សម្រាប់ សេព ១ឈុត ។ ទី២. នៅផ្សារត្រពាំងឈូក ម្តុំមុខពេទ្យលោកសង្ឃ ចាប់ខ្លួនបាន១៨នាក់ ដកហូតថ្នាំញៀនបាន០៥កញ្ចប់ និងជញ្ជីងសម្រាប់ថ្លឹងចំនួន០១គ្រឿង រួមទាំងកូនថង់ផ្លា ស្ទីក សម្រាប់វេចខ្ចប់ លក់ចែកចាយមួយចំនួនធំ និងឧបករណ៍កែច្នៃសម្រាប់សេព( ជក់)មួយចំនួនធំ រួមទាំងម៉ូតូ ជាង១០គ្រឿង ។
បច្ចុប្បន្ន ជនទាំង២០នាក់ ត្រូវបានកងរាជ អាវុធហត្ថរាជធានីភ្នំពេញ នាំខ្លួនយកទៅសាកសួរស្រាវជ្រាវបន្តទៀត និងត្រៀមបញ្ជូនទៅតុលាការ ៕
មតិយោបល់