Post News Media ព័ត៌មានជាតិ គួរឲ្យរន្ធត់!...

គួរឲ្យរន្ធត់! បុកគ្នាលាន់ដូចរន្ទះ បុរសម្នាក់បានស្លាប់ភ្លាមៗសឹងតែដាច់ខ្លួនជាពីរ

កណ្ដាល: កាលពីវេលាម៉ោង ២និង ៥០ នាទីទៀបភ្លឺ ឈានចូលថ្ងៃទី១៨ ខែ មិថុនា ឆ្នាំ ២០១៧ មានករណីគ្រោះថ្នាក់ចរាចរណ៍មួយ ដោយបុរសម្នាក់បានស្លាប់ភ្លាមៗសឹងតែដាច់ខ្លួនជាពីរ ខណ:ដែលរូបគាត់បានជិះម៉ូតូអាសង់កូរ៉េ ១គ្រឿង ហើយបានបុកក្នុងទិដៅបញ្រ្ចាស់គ្នាយ៉ាងពេញទំហឹង ជាមួយរថយន្ដព្រុស បើកដោយបុរសជនជាតិចិន ក្នុងល្បឿនលឿនដូចហោះ ត្រង់ចំណុចលើស្ពានអាកាស៧មករា សង្កាត់ទឹកល្អក់ទី១ ខណ្ឌដូនពេញ ។

សពបុរសខាងលើមានឈ្មោះ ភាំង គឹងពៅ អាយុ ៤០ឆ្នាំ មានមុខរបរជាជាងសំណង់ រស់នៅស្រុកមុខកំពូល ខេត្តកណ្ដាល ។

យោង​តាម​ប្រភព​ព័ត៌មាន​ពី​កន្លែង​កើត​ហេតុ ​បាន​ឲ្យ​ដឹង​ថា នៅ​មុន​កើត​ហេតុ​​គេឃើញ រថយន្ដព្រុស
ពណ៌​ទឹកប៊ិច ពាក់​ស្លាក​លេខ​ ភ្នំពេញ 2AB-8563 បើក​ដោយបុរសជនជាតិម្នាក់ តាម​បណ្ដោយ​មហាវិថី ​សហព័ន្ធរុស្ស៊ីក្នុងទិស​ដៅ​ពី​លិច​ទៅ​កើត ​ក្នុង​ល្បឿន​លឿន​​ដូចហោះ ខណ:មកដល់ចំណុចកើតហេតុខាងលើ ក៏បុកយ៉ាងពេញទំហឹង ជាមួយនិងម៉ូតូអាសង់កូរ៉េ មួយគ្រឿង ពណ៌​ក្រហម ពាក់​ស្លាក​លេខ ស្វាយរៀង 1C-9805 បើកដោយបុរសម្នាក់ ធ្វើដំណើរតាម​បណ្ដោយ​មហាវិថី សហព័ន្ធរុស្ស៊ីទិស​ដៅ​ពី​កើតទៅលិច ដោយបើកម៉ូតូបញ្ច្រាសផ្លូវ ​ក្នុង​ល្បឿន​លឿន​ល្មម​ ហើយ​បាន​បុក​គ្នា​យ៉ាងពេញទំហឹងហូសជិតមួយ១០០ម៉ែត្រ បណ្ដាល​ឲ្យ​ភាគីបុរសដែលជិះម៉ូតូបានស្លាប់ភ្លាមៗសឹងតែដាច់ខ្លួនជាពីរ ចំណែករថយន្ត​ម៉ូតូ រង​ការ​ខូច​ខាត​ខាង​មុខ​ហើយម៉ូតូវិញខ្ទេចសឹងតែទាំងអស់។

ក្រោយ​ពេល​កើត​ហេតុ​​សមត្ថកិច្ច បានឃាត់បុរសជនជាតិចិនខាងលើ ចំណែកម៉ូតូ និងរថយន្ត​ទាំង​ពីរ​គ្រឿងខាងលើ ត្រូវ​សមត្ថកិច្ច​ជំនាញធ្វើការ​វាស់​វែង ​និងយក​ទៅរក្សា​ទុក​នៅ​សង្នការរាជធានីភ្នំពេញរង​ចាំ​ដោះ​ស្រាយ​ទៅតាមផ្លូវច្បាប់។
ចំណែកសពបុរសខាងលើ មិនទាន់អាចទាក់ទងក្រុមគ្រួសារគាត់បាននៅទ្បើយទេ ក៏ត្រូវរថយន្ដដឹកសពដឹកទៅរក្សាទុក នៅវត្តអង្គតាម៉ិញ រងចាំបងប្អូនគ្រួសារមកទទួលយកទៅធ្វើបុណតាមប្រពៃណី ៕