ភ្នំពេញៈ អគ្គិភ័យឆាបឆេះគំនរក្រណាត់នៅសិប្បកម្ម កាត់ដេរ សំលៀកបំពាក់ លានហ្វឹង ស្ថិតនៅតាមបណ្តោយផ្លូវ១៩៨៦ សង្កាត់ភ្នំពេញថ្មី ខណ្ឌសែនសុខ ត្រូវបានសមត្ថកិច្ច និងរថយន្តពន្លត់អគ្គិភ័យចេញអន្តរាគមន៍ទាន់ពេល រលត់វិញហើយ។

ប្រភពឲ្យដឹងថា ហេតុការណ៍ខាងលើនេះ កើតឡើងកាលពីវេលាម៉ោង៥និង៣០នាទីព្រឹកថ្ងៃទី២៣ឧសភានេះ មូលហេតុបណ្តាលមកពីទុស្សេខ្សែភ្លើង ឆេះធ្លាក់លើគំនរក្រណាត់ ហើយក៏បង្កជាអគ្គិភ័យឆាបឆេះតែម្តង បច្ចុប្បន្នត្រូវបានរថយន្តពន្លត់អគ្គិភ័យចំនួន០១គ្រឿង ចេញអន្តរាគមន៍ទាន់ពេល ដោយធ្វើការបាញ់ទឹកពន្លត់បានទាំងស្រុងហើយ។

គួរបញ្ជាក់ផងដែរ ហេតុការណ៍អគ្គិភ័យនេះ បណ្តាលឲ្យឆេះក្រណាត់អស់ចំនួន៤៣ដុំ៕