Post News Media ព័ត៌មានជាតិ បង្ក្រាបបានមុ...

បង្ក្រាបបានមុខសញ្ញាចែកចាយគ្រឿងញៀនយ៉ាងសកម្ម ចំនួន៤នាក់

បាត់ដំបង: ​កម្លាំង​អធិការដ្ឋាន​នគរបាល​ក្រុង​បាត់ដំបង ​​បើ​ក​ប្រតិបត្តិការ​បង្ក្រាប​ មុខសញ្ញា​​ចែកចាយ​គ្រឿងញៀន​ យ៉ាងសកម្ម​ចំនួន​៤​នាក់ ​ខណ:​​ពេល​​កំពុង​ធ្វើ​សកម្មភាព​ប្រើប្រាស់​​ និង​ចែកចាយ​ជាក់ស្តែង។

កិច្ចប្រតិបត្តិការនេះ​ដែរ​ គឺ​បាន​ធ្វើ​​ឡើង​កាលពី​ថ្ងៃទី​៨ ខែមិថុនា ឆ្នាំ​២០១៦វេលា​ម៉ោង​៥​និង​៣០​ នា​ទី​ល្ងាច​ នៅ​ចំណុច​ក្រុម២៥ ភូមិ​ទួល​តា​ឯក សង្កាត់​ទួល​តា​ឯក ក្រុង​បាត់ដំបង ខេត្តបាត់ដំបង ​ដឹកនាំ​ដោយ​ ​ ​លោក​វរសេនីយ៍ត្រី​ ប៉ាង ហៀ​ង ​​ទើប​ឡើង​កាន់​តំណែង​ថ្មី។

សមត្ថកិច្ចបាន​ឲ្យ​ដឹងថា​ ​ការ​បង្ក្រាបនេះ ​​ ​កម្លាំង​បាន​ឃាត់ខ្លួន​ជនសង្ស័យ​ចំនួន​៤​នាក់ ​ទី​១. ហៀ​ង សំអាន ភេទ​ប្រុស អាយុ​៣១​ឆ្នាំ មាន​ទីលំនៅ​ភូមិ​ទួល​តា​ឯក សង្កាត់​ទួល​តា​ឯក ទី​២. ស៊ឹង វាសនា ភេទ​ប្រុស អាយុ​២៨​ឆ្នាំ មាន​ទីលំនៅ​ភូមិ​ទួល​តា​ឯក សង្កាត់​ទួល​តា​ឯក ទី​៣. ហ៊ី សុ​ណា​រដ្ឋ ភេទ​ប្រុស អាយុ​២៤​ឆ្នាំ​ មាន​ទីលំនៅ​ចាក់​អង្រែ​ក្រោម ក្រុងភ្នំពេញ និងទី​​៤. ឈ្មោះ ឯល សំបូរ ភេទ​ប្រុស អាយុ​២៤​ឆ្នាំ មាន​ទីលំនៅ​ភូមិ​ទួល​តា​ឯក សង្កត់​ទួល​តា​ឯក។​

ប្រភព​បាន​បន្ដ​ថា​ ​ការ​ឃាត់ខ្លួន​ជនសង្ស័យ​ទាំង៤នាក់ ​នៅ​ទីតាំង​ផ្ទះ​របស់​ឈ្មោះ តិច ខេង ភេទ​ស្រី អាយុ​៥០​ឆ្នាំ ​​កម្លាំង​ប៉ុស្តិ៍ ស​ហការ​ជាមួយ​កម្លាំងអធិការដ្ឋាន​ក្រុង​បាត់ដំបង ​និង​ការិយាល័យ​ជំនាញ​ប្រឆាំង​គ្រឿង​ញៀន​ខេត្តដក​ហូត​ថ្នាំញៀន​ប្រភេទ​ម៉ា​ទឹកកក​ ចំនួន ៤ កញ្ចប់​តូច ដាវ​សាំ​ម៉ូរ៉ៃ​ចំនួន​៣ដើម និង​ឧបករណ៍​ប្រើប្រាស់​មួយ​ចំនួន​ថែមទៀត។

បច្ចុប្បន្ន ​កម្លាំង​ជំនាញ​បាន​នាំ​យក​ទៅកាន់​ការិយាល័យ​នគរបាល​ប្រឆាំង​គ្រឿងញៀន​នៃ​ស្នងការដ្ឋាន​នគរបាល​ខេត្ត​ហើយ​ ដើម្បី​ធ្វើការ​សាកសួរ​បន្ត៕

image2

image1

Loading...