បន្ទាយមានជ័យ: បាតុភូតធម្មជាតិរន្ទះបាញ់មួយបានកើតឡើងបណ្ដាលឲ្យបុរសម្នាក់ស្លាប់ក្នុងពេលដែលកំពុងដើរលើផ្លូវពេលមេឃភ្លៀង។
ហេតុការណ៍នេះបានលើតឡើងនៅវេលាម៉ោង១និង២០នាទីរសៀលថ្ងៃទី១៨ ខែមិថុនា ឆ្នាំ២០១៧ ត្រង់ចំណុចខាងកើតវត្តតាផូ ចម្ងាយ១០០០ម៉ែត្រ ស្ថិតក្នុងភូមិតាស្រី ឃុំតាផូ ស្រុកស្វាយចេក ខេត្តបន្ទាយមានជ័យ។
ប្រភពព័ត៌មានបានឲ្យដឹងថា ជនរងគ្រោះមានឈ្មោះ រ៉ាង ហាប់ ភេទប្រុស អាយុ៥៩ឆ្នាំ រស់នៅភូមិតាស្រី ឃុំតាផូ ស្រុកស្វាយចេក ខេត្តបន្ទាយមានជ័យ។
អ្នកឃើញហេតុការណ៍នេះបានឲ្យដឹងថា ជនរងគ្រោះបានដេកដួលស្លាប់ភ្លាមៗក្រោយពីមានសម្លេងរន្ទះបាញ់។
ក្រោយកើតហេតុ សពត្រូវបានក្រុមគ្រួសារយកទៅតម្កល់ធ្វើបុណ្យតាមប្រពៃណីក្នុងវត្តតាផូ៕
មតិយោបល់