ភ្នំពេញៈ កម្លាំងអគ្គនាយកដ្ឋានអន្តប្រវេសន៍ សហការជាមួយមូលដ្ឋានខណ្ឌ៧មករា ចុះឆែកឆេរនិងត្រួតពិនិត្យ ឃាត់ខ្លួនជនជាតិវៀតណាមប្រុសស្រី១២នាក់ដែលរស់នៅនិងធ្វើការគ្មានច្បាប់ ដែលប្រតិបត្តិការណ៍នេះធ្វើឡើងកាលពីវេលាម៉ោង៣ រសៀល ថ្ងៃទី២២ ខែមិថុនាឆ្នាំ២០១៧ ស្ថិតនៅហាងកាហ្វេឈ្មោះ ដាលីង និងហាងភឿងណាម តាមបណ្ដោយផ្លូវលេខ១០៥ ក្នុងភូមិ៣ សង្កាត់បឹងព្រលិត ខណ្ឌ៧មករា រាជធានីភ្នំពេញ។

ក្នុងប្រតិបត្តិការចុះត្រួតពិនិត្យនិងឆែកឆេរនេះ ដឹកនាំដោយ ព្រះរាជអាជ្ញារង អមសាលាដំបូងរាជធានីភ្នំពេញ សហការជាមួយកម្លាំងរបស់ លោក ឧត្តមសេនីយ៍ទោ អ៊ុក ហៃសីឡា ប្រធាននាយកដ្ឋានស៊ើបអង្កេត អនុវត្តន៍និតិវិធីនៃអគ្គនាយកដ្ឋានអន្តោប្រវេសន៍និងកម្លាំងមូលដ្ឋានខណ្ឌ៧មករា ចុះមកត្រួតពិនិត្យនិងឆែកឆេរ មករស់នៅនិងធ្វើការខុសច្បាប់។ ឃាត់ខ្លួនមនុស្សចំនួន១២នាក់ប្រុស៥នាក់ស្រី៧នាក់។

បច្ចុប្បន្ន ជនជាតិវៀតណាមទាំងនេះ ត្រូវបានបញ្ជូនទៅកាន់នាយកដ្ឋាន អន្តោប្រវេសន៍នៃ ក្រសួងមហាផ្ទៃ ដើម្បីបន្តតាមផ្លូវច្បាប់៕