កំពង់ឆ្នាំងៈ បុរសម្នាក់ ត្រូវសមត្ថកិច្ចនគរបាល ឃាត់ខ្លួន ពាក់ព័ន្ធករណីរក្សាទុក ជួញដូរ និងប្រើប្រាស់នូវសារធាតុញៀនខុសច្បាប់ កាលពីវេលាម៉ោង៣រសៀល ថ្ងៃទី២៣ ខែឧសភា ឆ្នាំ២០១៦ នៅចំណុចភូមិធម្មយុត្តិ សង្កាត់ប្អេរ ក្រុងកំពង់ឆ្នាំង ខេត្តកំពង់ឆ្នាំង។

សមត្ថកិច្ចក្រុងកំពង់ឆ្នាំង បានឲ្យដឹងថា ជនសង្ស័យឈ្មោះ សំណាង បរមី ហៅ នីត ភេទប្រុស អាយុ២៨ឆ្នាំ មានទីលំនៅភូមិឃុំកើតហេតុខាងលើ ត្រូវកម្លាំងសមត្ថកិច្ចនគរបាលប្រឆាំងគ្រឿងញៀន ធ្វើការឃាត់ខ្លួនជាមួយថ្នាំញៀនចំនួន៤កញ្ចប់ ចង់សម្រាប់ខ្ចប់ និងឧបករណ៍សម្រាប់ជក់ថ្នាំញៀន ព្រមទាំងដាវ២ដើម។

ក្រោយការឃាត់ខ្លួន ជនសង្ស័យ និងវត្ថុតាង ត្រូវបានបញ្ជូនទៅអធិការដ្ឋាននគរបាលក្រុង ដើម្បីសាកសួរបន្ថែម និងកសាងសំណុំរឿងតាមនីតិវិធី៕