ភ្នំពេញៈ សមត្ថកិច្ចប៉ុស្តិ៍ចោមចៅ ធ្វើការឃាត់ខ្លួនជនសង្ស័យជួញដូរគ្រឿងញៀនម្នាក់ ដកហូតបានក្រាមសថ្លាសង្ស័យគ្រឿងញៀនបានចំនួន១៤កញ្ចប់តូច។
ហេតុការណ៍ឃាត់ខ្លួននេះបានកើតឡើងកាលពីវេលាម៉ោង៤ រសៀល ថ្ងៃទី២៤ ខែមិថុនា ឆ្នាំ២០១៧ ស្ថិតក្នុងវត្តគោកបញ្ជាន់ ភូមិចោមចៅ សង្កាត់ចោមចៅខណ្ឌពោធិសែនជ័យ រាជធានីភ្នំពេញ។
ជនសង្ស័យខាងលើមានឈ្មោះ ផាន់ សាកន អាយុ១៧ឆ្នាំ មុខរបរមិនពិតប្រាកដស្នាក់នៅផ្ទះជួល ភូមិជ្រៃកោង សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។
ក្នុងការចុះបង្ក្រាបនេះ សមត្ថកិច្ចបានស្រាវជ្រាវនិងស៊ើបរហូតដល់កំណត់មុខសញ្ញាបានក៏ឈានទៅដល់កាឃាត់ខ្លួននិងដកហូតវត្ថុតាងគឺថ្នាំពណ៌សថ្លាសង្ស័យគ្រឿងញៀនចំនួន១៤កញ្ចប់ថង់តូចតែម្តង។
បច្ចុប្បន្នជនសង្ស័យរួមទាំងវត្ថុតាងត្រូវបានបញ្ជូនទៅផ្នែកជំនាញនៃអធិការដ្ឋាននគរបាលខណ្ឌពោធិ៍សែនជ័យចាត់ការបន្តទៅតាមនីតិវិធី៕
https://youtu.be/te5HEAS5Ew4
មតិយោបល់