ព័ត៌មានជាតិ

បុរសម្នាក់ រំលោភក្មេងស្រីមិនទាន់គ្រប់អាយុ ត្រូវសមត្ថកិច្ចឃាត់ខ្លួន

កំពង់ចាម: កម្លាំងអធិការដ្ឋាននគរបាលស្រុកចម្ការលើ កាលពីថ្ងៃទី២១ ខែមិថុនា ឆ្នាំ២០១៧ បានចុះបង្ក្រាបករណីរំលោភសេពសន្ធវ: បន្ទាប់ពីលោក លី ម៉ារីណា ចៅក្រមស៊ើបសួរសាលាដំបូងខេត្តកំពង់ចាម បានចេញដីកាបង្គាប់ឲ្យឃុំខ្លួនលេខ ៣៨៤ ត.ព្រ ចុះថ្ងៃទី២៤ ខែមិថុនា ឆ្នាំ២០១៧ សម្រេចឃុំខ្លួនជនជាប់ចោទម្នាក់ ពីបទរំលោភសេពសន្ធវ:។

ហេតុការណ៍នេះ បានកើតទ្បើងលើជនរងគ្រោះ កាលពីថ្ងៃទី២១ ខែមិថុនា ឆ្នាំ២០១៧ នៅភូមិត្រពាំងល្ពៅ ឃំជយោ ស្រុកចម្ការលើ ខេត្តកំពង់ចាម។

ជនជាប់ចោទឈ្មោះ ចិត្ត ចាន់ថន ហៅកណ្តុរ ភេទប្រុស អាយុ​៤៥ឆ្នាំ​ សញ្ជាតិខ្មែរ​ មុខរបរកសិករ ទីកន្លែងកំណើត និង អាស័យដ្ឋានបច្ចុប្បន្ននៅភូមិត្រពាំងឬស្សី ឃុំជយោ ស្រុកចម្ការលើ ខេត្តកំពង់ចាម។

បច្ចុប្បន្នជនជាប់ចោទ ត្រូវបានសមត្ថកិច្ចបញ្ជូនទៅឃុំខ្លួន នៅពន្ធនាគារខេត្តកំពង់ចាមរួចរាល់ហើយ នៅថ្ងៃទី២៤ ខែមិថុនា ឆ្នាំ២០១៧ ស្របទៅតាមបញ្ញត្តិច្បាប់មាត្រា ២៤១ នៃក្រមព្រហ្មទណ្ឌ៕

មតិយោបល់