ព័ត៌មានជាតិ

មេក្លោងជួញដូរគ្រឿងញៀនបីនាក់ ជាប់អន្ទាក់ប៉ូលិស

បន្ទាយមានជ័យ: កម្លាំងនគរបាលក្រុងប៉ោយប៉ែត បានឃាត់ខ្លួនមេក្លោងចែកចាយ និងជួញដូរគ្រឿងញៀនចំនួនបីនាក់ កាលពីល្ងាចថ្ងៃទី២៣ខែមិថុនាឆ្នាំ២០១៧ នៅចំណុចចម្ការស្វាយ ស្ថិតក្នុងភូមិសាមគ្គីមានជ័យ សង្កាត់ និងក្រុងប៉ោយប៉ែត រួចបញ្ជូនទៅចាត់ការបន្តនៅស្នងការដ្ឋានខេត្តបន្ទាយមានជ័យ។

លោក ធិន ស៊ិនដេត អធិការក្រុងប៉ោយប៉ែត បានប្រាប់ឲ្យដឹងថា នៅក្នុងប្រតិបត្តិការបង្ក្រាបមុខសញ្ញាសង្ស័យនោះ កម្លាំងជំនាញបានឃាត់ខ្លួន អ្នកចែកចាយ និងមេក្លោងជាបន្តបន្ទាប់។ ក្រោយឃាត់ខ្លួន និងតាមចម្លើយសារភាពរបស់
នារីម្នាក់ឈ្មោះ ហ៊ុន វ៉ាន់ អាយុ២៣ឆ្នាំ កម្លាំងនគរបាលបានបន្តឃាត់ខ្លួន មុខសញ្ញាប្តីប្រពន្ធពីរនាក់ ទី១-ឈ្មោះ សេង ជា អាយុ៤៤ឆ្នាំ ជាប្តី និង២-ឈ្មោះ តាំង ចន្ធូ អាយុ៣៧ឆ្នាំ ជាប្រពន្ធ។

សមត្ថកិច្ចបានដកហូតវត្ថុតាង រួមមាន៖ ថ្នាំញៀនម្សៅប្រភេទម៉ាទឹកកក១ថង់ធំ និងថ្នាំញៀនគ្រាប់ wy ប្រភេទមេតំហ្វេតាមីនចំនួន៦១៣ គ្រាប់, ជញ្ជើងថ្លឹង០១ និងម៉ូតូសង់០១៧ មួយគ្រឿងផងដែរ៕

មតិយោបល់