កោះកុងៈ លោកអធិការស្រុកថ្មបាំង បានប្រាប់Post News ថា មានករណីគ្រោះថ្នាក់ចរាចរណ៍រថយន្តក្រឡាប់ខ្លួនឯង បណ្តាលឲ្យបុរសម្នាក់ស្លាប់នៅនឹងកន្លែង។
ហេតុការណ៍នេះបានកើតឡើងនៅវេលាម៉ោង៩ និង២៥នាទីយប់ ថ្ងៃទី២៥ ខែមិថុនា ឆ្នាំ២០១៧ នៅចំណុចចំណោតតាកុយ ស្ថិតនៅក្នុងភូមិគគីជ្រុំ
ឃុំឬស្សីជ្រុំ ស្រុកថ្មបាំង ខេត្តកោះកុង។

រថយន្តខាងលើម៉ាក សាំយ៉ុង ពាក់ស្លាកលេខ ភ្នំពេញ2P-3153 បើកបរមានគ្នា២នាក់ ទី១ឈ្មោះ ឈួន ឈៀង ភេទប្រុស អាយុ២៤ឆ្នាំ មុខរបរ ស៊ីឈ្នួលបើកបរដឹកចេកពីថ្មបាំងទៅកពង់ស្ពឺ ស្នាក់នៅភូមិរំសរ ឃុំស្រង់ ស្រុកគងពិសី ខេត្តកំពង់ស្ពឺ (ស្លាប់) និងទី២ឈ្មោះ នឿន យី ភេទប្រុស អាយុ២១ឆ្នាំ ស្នាក់នៅភូមិគគីជ្រុំ ឃុំឬស្សីជ្រុំ ស្រុកថ្មបាំង (របួសស្រាល)។

លោកអធិការស្រុកថ្មបាំងបានបញ្ជាក់ពីមូលហេតុដែលបណ្តាលឲ្យរថយន្តក្រឡាប់ ផ្លូវចំណោតល្បឿនឡានលឿនបណ្តាលឲ្យគ្រោះថ្នាក់ក្រឡាប់តែម្តង។

ក្រោយពេលកើតហេតុ សមត្ថកិច្ចបានចុះទៅដល់កន្លែងកើតហេតុ និងនាំយករថយន្តខាងលើមករក្សាទុក ចំណែកសាកសពបានយកទៅវត្តថ្មបាំងរងចាំក្រុមគ្រួសារមកទទួលយកទៅធ្វើបុណ្យតាមប្រពៃណី៕