កំពង់ស្ពឺ: លោកអធិការរងស្រុកថ្ពងបានប្រាប់ Post News ថា មានករណីបុរសម្នាក់ធ្វើអត្តឃាតចងកសម្លាប់ខ្លួន។

ហេតុការណ៍នេះបានកើតឡើងនៅវេលាម៉ោង៧ព្រឹក ថ្ងៃទី២៩ខែមិថុនា ឆ្នាំ២០១៧ ត្រង់ចំណុចភូមិស្វាយ ឃុំយាអង្គ ស្រុកថ្ពង ខេត្តកំពង់ស្ពឺ។

ប្រភពព័ត៌មានបានឲ្យដឹងថា ជនរងគ្រោះមានឈ្មោះ ជា សារ៉េត ភេទប្រុស អាយុ៣៨ឆ្នាំ រស់នៅភូមិឃុំកើតហេតុខាងលើបានចងកនឹងដើមស្វាយកម្ពស់២.៥០ម៉ែត្រ ចងនឹងខ្សែកន្លុះគោនីឡុង ពណ៍ស ត្រួតគ្នា២ជាន់ ក្នុងសំលៀកបំពាក់អាវពណ៌គគីដៃវែង ខោពណ៌ប្រផេះ ពាក់ស្បែកជើងផ្ទាត់ពណ៌ស។

ប្រភពដដែលបានបន្តថា មូលហេតុដែលបណ្ដាលឲ្យជនរងគ្រោះធ្វើអត្តឃាតចងកសម្លាប់ខ្លួននេះ គឺដោយសារមានវិបត្តិផ្លូវចិត្ត ដោយប្រពន្ធទៅធ្វើការរោងចក្រដេកនៅផ្ទះជួល ហើយមានប្តីថ្មីចោលកូន៣នាក់និងប្តី តាំងពីពេលនោះមកជនរងគ្រោះស្រវឹងស្រារហូតមនជំងឺសរសៃប្រសាទរត់ទៅចងកម្តងហើយ ត្រូតែវឈ្មោះ ឃឹម វ៉ាត ភេទប្រុស អាយុ៦២ឆ្នាំ ជួយសង្គ្រោះទាន់ ក្រោយមករត់ចូលឡានទៀត ក៏ត្រូវឈ្មោះខាងលើចាប់ទាន់ទៀត លុះដល់ថ្ងៃកើតហេតុ ក៏ចងកបានសម្រេចតែម្តងទៅ។

ក្រោយពេលកើតហេតុ សពត្រូវបានបងប្អូនសាច់ញាតិយកទៅធ្វើបុណ្យតាមប្រពៃណី៕