ភ្នំពេញ: ជនសង្ស័យម្នាក់ ចូលលួចលុយប្រជាពលរដ្ឋពេលយប់ លុះដល់ព្រឹកឡើងម្ចាស់គេចាប់ក្របួចប្រគល់ឲ្យសមត្ថកិច្ចប៉ុស្តិ៍នគរបាលស្ទឹងមានជ័យ យកមកសួរនាំ។

ហេតុការណ៍នេះកើតឡើងកាលពីរវេលាម៉ង៦និង១៥នាទីព្រឹក ថ្ងៃទី៣០ ខែមិថុនា ឆ្នាំ២០១៧ ស្ថិតនៅក្នុងភូមិមានជ័យ១ សង្កាត់ស្ទឹងមានជ័យ ខណ្ឌមានជ័យ។
ជនសង្ស័យឈ្មោះ ជោត សំណាដេវីត ភេទប្រុស អាយុ១៦ឆ្នាំ មុខរបរមិនពិតប្រាកដ ស្នាក់នៅភូមិកើតហេតុខាងលើ។ ចំណែកស្រ្តីរងគ្រោះមានឈ្មោះ យាន ដានី អាយុ៤៥ឆ្នាំ មុខរបរលក់ដូរ ស្នាក់នៅភូមិមានជ័យ១ សង្កាត់ស្ទឹងមានជ័យ ខណ្ឌមានជ័យ។

បើតាមការរៀបរាប់ពីស្រ្តីរងគ្រោះបានប្រាប់ឲ្យដឹងថា នៅវេលាម៉ោង១២រំលងអធ្រាត្រ រូបគាត់បានក្រោកពីរដេកដើម្បីបត់ជើងតូច ពេលដែលបើកភ្លើងមើលទៅលើតុ ស្រាប់តែបាត់ការបូបលុយដែលគាត់ទុកនៅលើតុនោះ ហើយក៏ស្រែប្រាប់កូនៗថាមានចូលលួចការបូបលុយហើយ នៅពេលនោះកូនៗរបស់បានដើរកជនសង្ស័យគ្រប់ទីកន្លែង ព្រោះគាត់គិចថាគ្មានអ្នកណាចូលផ្ទះគាត់ទេមានតែជនសង្ស័យទេ កន្លងមកជនសង្ស័យម្នាក់នេះធ្លាប់បានចូលលួចទូរសព្ទរបស់ប្អូនស្រីគាត់មួយដងរួចមកហើយ លុះដល់ម៉ោងកើតហេតុខាងលើ ស្រាប់តែឃើញជនសង្ស័យបានចូលផ្ទះរបស់គេ រួចក៏ចាប់ជនសង្ស័យឆែកឆេរឃើញលុយដុល្លារចំនួន៤០ដុល្លារ និងលុយខ្មែរចំនួន៧០០០០រៀល រួចក៏បានរាយការណ៍មកសមត្ថកិច្ចប៉ុស្តិ៍ស្ទឹងមានជ័យចុះទៅយកជនសង្ស័យយកមកសួរនាំ។

ស្រ្តីរងគ្រោះបានបន្តទៀតថា នៅកាបូបនោះមានលុយដុល្លារចំនួន១៥០ដុល្លារនិងលុយខ្មែរចំនួន១,៥០០,០០០រៀល និងអត្តសញ្ញាណប័ណ្ណមួយ។

នៅចំពោះមុខសមត្ថកិច្ចជនសង្ស័យបានឆ្លើយសារភាពថា ខ្លួនពិតជាបានចូលផ្ទះរបស់ស្រ្តីរងគ្រោះលួចយកលុយពិតប្រាកដមែន ពេលដែលធ្វើសកម្មភាពលួចនោះរូបគេបានលួចតែម្នាក់ឯងទេ ហើយពេលដែលលួចបានហើយរូបគេដកលុយនោះចំនួន១៥០ដុល្លារហើយនៅសល់ប៉ុន្មានគេបានផ្ញើនិងឈ្មោះធឿន ពេលដែលបានលុយហើយរូបបានហៅមិត្តភក្តិទៅហូបអីអស់ចំនួន១០០ដុល្លារនៅសល់៥០ដុល្លារ រួចក៏ត្រឡប់មកផ្ទះវិញក៏ត្រូវបានម្ចាស់លុយចាប់ប្រគល់ឲ្យសមត្ថកិច្ចតែម្ដង។

បច្ចុប្បន្នជនសង្ស័យ ត្រូវបានឃុំខ្លួនបណ្ដោះអាសន្ននៅប៉ុស្តិ៍នគរបាលស្ទឹងមានជ័យ នឹងកសាងសំណុំរឿងបញ្ជួនទៅអធិការដ្ឋាននគរខណ្ឌមានជ័យដើម្បីចាត់ការតាមនីតិវិធីច្បាប់៕

//youtu.be/9bDr_gEGWO4