ភ្នំពេញៈ ស្ត្រីម្នាក់ រងរបួសធ្ងន់ និងបុរសម្នាក់ទៀតរងរបួសស្រាល ក្នុងឧបទ្ទវហេតុគ្រោះថ្នាក់ចរាចរណ៍រវាងរម៉កដឹកអេតចាយ បានបុកជាមួយនិងម៉ូតូស្កុបពី។

ហេតុការណ៍គ្រោះថ្នាក់ចរាចរណ៍ខាងលើនេះបានកើតឡើងកាលពីវេលាម៉ោង ៣រសៀល ថ្ងៃទី១ ខែកក្កដា ឆ្នាំ២០១៧ ស្ថិតតាមបណ្តោយផ្លូវ១៦៩ ក្នុងសង្កាត់វាលវង់ ខណ្ឌ៧មករា រាជធានីភ្នំពេញ។

ប្រភពពត៌មានពីកន្លែងកើតហេតុបានឲ្យដឹងថា នៅមុនពេលកើតហេតុគេបានឃើញរម៉កដឹកអេតចាយ ដែលមានម៉ូតូសណ្តោង ម៉ាកសង់កូរ៉េ ពណ៌ក្រហម ពាក់ស្លាកលេខ ច៩៨៩៣ ភព១ ធ្វើដំណើរស្របគ្នាទិសដៅពីជើងទៅត្បូង ជាមួយម៉ូតូមួយគ្រឿងទៀត ម៉ាកស្កុបពី ពណ៌ផ្កាឈូក ពាក់ស្លាកលេខ ភ្នំពេញ 1BZ-9909ជិះដោយនារីម្នាក់ លុះមកដល់ចំណុចកើតហេតុខាងលើ ភាគីរម៉កដឹកអេតចាយបានគេចចេញរថយន្តឡិចស៊ីស មួយគ្រឿងទៀត ដែលមិនចាំស្លាកលេខ បើកខាងឆ្វេងដៃ ស្របទិសគ្នាដែរ ខណៈនោះក៏បណ្តាលឲ្យរ៉េចង្កូតមកស្តាំដៃ ជ្រុលទៅបុកម៉ូតូស្តុបពី ដែលកំពុងបើកខាងស្តាំដៃ បណ្តាលឲ្យនាងដួលរងរបួសធ្ងន់ និងអ្នកបើករម៉ករងរបួសស្រាល ចំណែករថយន្តឡិចស៊ីសក៏បន្តដំណើទៅបាត់ទៅ។

ក្រោយពេលកើតហេតុនារីរងគ្រោះត្រូវបានក្រុមគ្រួសារដឹកទៅសង្គ្រោះនៅមន្ទីរពេទ្យ។ ចំណែកបុរសអ្នកបើករម៉កដឹកអេតចាយ រួមនិងមធ្យោបាយធ្វើដំណើរខាងលើ ត្រូវបានសមត្ថកិច្ចចរាចរណ៍ខណ្ឌ៧មករា យកទៅរក្សាទុកនៅផ្នែកចរាចរណ៍នៃអធិការដ្ឋាននគរបាលខណ្ឌ៧មករា រង់ចាំដោះស្រាយតាមនីតិវិធីនៅពេលក្រោយបន្តទៀត៕

https://youtu.be/sN5_sCzQLQM