ពោធិ៍សាត់: ប្រជាពលរដ្ឋ ភ្ជួរដីស្រែចំការ បានប្រះឃើញ គ្រាប់កាំភ្លើងមិនទាន់ផ្ទុះ សល់ពីសម័យសង្គ្រាមចំនួន១២កេះ កាលពីវេលាម៉ោង៩និង៣០នាទី ថ្ងៃទី២៤ ខែឧសភា ឆ្នាំ២០១៦នេះ នៅភូមិសាយឃុំព្រងឹង ស្រុកភ្នំក្រវាញ ខេត្តពោធិ៍សាត់។

នគរបាលប៉ុស្តិ៍ព្រងឹល បានឲ្យដឹងថា ប្រជាពលរដ្ឋដែលប្រទះឃើញគ្រាប់នេះ មានឈ្មោះ អាំង សុខសាន្ត ភេទប្រុសរស់នៅ ឯភូមិអូថ្កូវសង្កាត់រលាប ក្រុងពោធិ៍សាត់ ដោយបានទៅភ្ជួរដីស្រែចំការ នៅឯភូមិសាយ ឃុំព្រងឹល។ នគរបាលដដែល បន្តថា ចំនួនគ្រាប់ដែលយកមកប្រគល់ឲ្យសមត្ថកិច្ច នោះចំនួន១២កេះ គ្រាប់ នៅមានគុណភាព៥០% នៅក្នុងនោះមានប្រភេទគ្រាប់១២.៧ ចំនួន១១កេះ ស្មើនឹង ៩៣៥គ្រាប់ និងប្រភេទ គ្រាប់អាកាចំនួនមួយកេះ៕