ភ្នំពេញៈ បុរសចិត្តខ្លាំងម្នាក់ បានជិះម៉ូតូសង់ សេ១២៥ ស៊េរីឆ្នាំ០១២ ពាក់ស្លាកលេខ ភ្នំពេញ1PB-2371 បានឆ្លងផ្លូវតែវាក់អ៊ើបានប៉ះរថយន្តក្រុង ដួលរបួសតិចតួចប៉ុណ្ណោះ។
ហេតុការណ៍នេះកើតឡើងនៅវេលាម៉ោង៣ និង៣០នាទីរសៀល ថ្ងៃទី៣ ខែកក្កដា ឆ្នាំ២០១៧ ដែលស្ថិតនៅទល់មុខ កងវិស្វកម្ម ក្បែរនឹងរង្វង់មូលចោមចៅ ក្នុងសង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។
តាមប្រភពព័ត៌មានបានឲ្យដឹងថា បុរសដែលជិះម៉ូតូ បានធ្វើតំណើរឆ្លងកាត់ផ្លូវតែបានវាក់អ៊ើ រថយន្តមកពីមុខក៏បានងាកថយក្រោយវិញទើបបណ្តាលឲ្យប៉ះនឹងរថយន្តក្រុង ដួលខ្លួនឯងរងរបួសតិចតួចប៉ុណ្ណោះ រួចមកភាគីទាំងសងខាងធ្វើការចចារគ្នាដោយរថយន្តក្រុងព្រមសងទៅខាងម៉ូតូចំនួន៤ម៉ឺនរៀល តែភាគីម៉ូតូមិនយករួចហើយក៏ហែកលុយនោះចោលទៀត(ពិតជាខ្លាំងមែន)ទើបមានការតឹងសរសៃករដាក់គ្នាបន្តិចបន្តួចដែរ។
រួចមកភាគីខាងរថយន្តបានទារលុយដែលខ្លួនបានឲ្យមកវិញ ពេលនោះភាគីខាងម៉ូតូគ្មានលុយឲ្យវិញ ហើយត្រូវបានអ្នកជិតខាងថាឲ្យផងនោះក៏ខ្មាស់គេហើយសុំសម្រួលត្រូវគ្នារួចក៏ជិះម៉ូតូចេញបាត់ទៅ ដោយគ្មានបានអ្វី១០០រៀលសោះ៕
https://youtu.be/fuP_6z4cfew
មតិយោបល់