ភ្នំពេញ: លោកវរសេនីយ៍ឯក ប៊ុន សត្យា ប្រធានការិយាល័យនគរបាលព្រហ្មទណ្ឌកម្រិតស្រាលរាជធានីភ្នំពេញ បានប្រាប់ Post News ថា សមត្ថកិច្ចឃាត់ខ្លួនជនសង្ស័យម្នាក់ ក្រោយធ្វើសកម្មភាពឆក់កាបូបពណ៌ខ្មៅពីស្រ្តីម្នាក់មិនបានសម្រេច។

ហេតុការណ៍កើតឡើងនៅវេលាម៉ោង៣ រសៀល ថ្ងៃទី៤ ខែមិថុនា ឆ្នាំ២០១៧ នៅចំណុចមុខក្រសួងការពារជាតិ ផ្លូវសហពន្ធ័រុស្សី សង្កាត់មនោរម្យ ខណ្ឌ៧មករា រាជធានីភ្នំពេញ។

ជនសង្ស័យឈ្មោះ ស៊ុត សុធារ៉ា ភេទប្រុស អាយុ២៤ឆ្នាំ ស្នាក់នៅផ្ទះលេខ១១៩ ផ្លូវជាតិលេខ៥ សង្កាត់ឬស្សីកែវ ខណ្ឌឬស្សីកែវ មុខរបរ និស្សិតពេទ្យយោធា មានប្រើប្រាស់គ្រឿងញៀន។ ក្នុងនោះវត្ថុតាងចាប់យកជាមធ្យោបាយធ្វើសកម្មភាព៖
ម៉ូតូម៉ាក ហុងដា សេ១២៥ ពណ៌ខ្មៅ ពាក់ស្លាកលេខ ភ្នំពេញ1BK-8876។

បច្ចុប្បន្នជនសង្ស័យនិងវត្ថុតាងការិយាល័យបញ្ជូនទៅសាលាដំបូងរាជធានីភ្នំពេញចាត់ការតាមច្បាប់៕