ភ្នំពេញៈ យោងតាមសេចក្តីជូនដំណឹង ស្តីពីការព្យាករណ៍អាកាសធាតុ ប្រចាំសប្តាហ៍ ចាប់ពីថ្ងៃទី៦ ដល់ថ្ងៃទី១២ ខែកក្កដា ឆ្នាំ២០១៧ បានឲ្យដឹងថា តំបន់វាលទំនាប ពិសេសរាជធានីភ្នំពេញ ខេត្តកំពង់ឆ្នាំ ពោធិ៍សាត់ បាត់ដំបង សៀមរាប កំពង់ស្ពឺ កណ្តាល ព្រៃវែង និងខេត្តស្វាយរៀង អាចនឹងមានភ្លៀងធ្លាក់ពីបង្គួរទៅច្រើន។

ចំណែកតំបន់ខ្ពង់រាប ពិសេសខេត្តព្រះវិហារ ឧត្តរមានជ័យ ក្រចេះ មណ្ឌលគិរី កំពង់ចាម និងខេត្តត្បូងឃ្មុំ អាចនឹងមានភ្លៀងធ្លាក់ពីបង្គូរទៅច្រើន។

ដោយឡែក សម្រាប់តំបន់មាត់សមុទ្រ ពិសេសខេត្តកោះកុង និងខេត្តព្រះសីហនុ អាចនឹងមានភ្លៀងធ្លាក់ពីបង្គួរទៅច្រើន។

ប៉ុន្តែសូមប្រុងប្រយត្ន័៖ ចំពោះបាតុភូត ខ្យល់ ផ្គរ រន្ទះ ដែលអាចកើតមានឡើង ជាពិសេសតំបន់វាលទំនាបកណ្តាល៕