ព្រះសីហនុៈ ករណីគ្រោះថ្នាក់ចរាចរណ៍មួយបានកើតឡើងរវាងរថយន្តដឹកទំនិញធុនធំ និង រថយន្តតូច ពាក់ស្លាកលេខខេមរភូមិន្ទ បណ្តាលឲ្យម្ចាស់រថយន្តតូចរងរបួសធ្ងន់។

ហេតុការណ៍កើតឡើងនៅវេលាម៉ោង៥ល្ងាច ថ្ងៃទី១០ ខែកក្កដា ឆ្នាំ២០១៧ នៅម្តុំជិតចំណោតអូរត្រាវផ្លូវជាតិលេខ៤ ខេត្តព្រះសីហនុ។

សមត្ថកិច្ចបានឲ្យដឹងថា ជនរងគ្រោះឈ្មោះ គឹម យឿន ភេទប្រុស អាយុ៤៤ឆ្នាំ ជាយោធាតំបន់សឹងរងខេត្តព្រះសីហនុ។ ត្រូវបានបញ្ជូនទៅសង្គ្រោះនៅមន្ទីរពេទ្យ ចំណែកអ្នកបើកបររថយន្តធុនធំបានរត់គេចខ្លួនបាត់ស្រមោល៕