ភ្នំពេញៈ រថយន្តក្រឡុកស៊ីម៉ង់ត៍បត់មិនមើល ត្រូវរថយន្តកុងន័របុកបណ្តាលឲ្យរងការខូចខាតទាំងពីរ តែសំណាងមិនមានអ្នករងរបួស។ ហេតុកាណ៍នេះ កើតឡើងកាលពីវេលាម៉ោង៩និង៣៥នាទីថ្ងៃទី២៥ ខែឧសភា ឆ្នាំ២០១៦ ស្ថិតនៅភូមិថ្មីសង្កាត់ដង្កោ ខណ្ខដង្កោរាជធានីភ្នំពេញ។

ប្រភពព័ត៌មានពីកន្លែងកើតបានឲ្យដឹងថា នៅមុនពេលកើតហេតុ គេបានឃើញមានរថយន្តក្រឡុកស៊ីម៉ងត៍បានធ្វើដំណើរពីលិចមកកើត ក្នុងល្បឿនលឿនបានជាន់ហ្រាំ្វងវ៉ាក់អើជាមួយនិងរថយន្តនៅខាងមុខ ហើយក៏បណ្តាលឲ្យរអិលរេចង្កូតមកខាងធ្វេង ស្របពេលនោះក៏មានរថយន្តកុងន័រក្រុមហ៊ុនសូងួន បានមកដល់ហើយបានបុកគ្នាពេញទំហឹង បណ្តាលឲ្យរងកាខូចខាតផ្នែកខាងមុខទាំងសងខាង តែមិនបណ្តាលឲ្យមានអ្នករងរបួសនោះទេ។

អ្នកបើកបររថយន្តក្រឡុកស៊ីម៉ងត៍មានឈ្មោះ កូវ សុភី ភេទប្រុស អាយុ៥១ឆ្នាំ មុខរបរជាអ្នកបើកបរ ស្នាក់នៅកន្លែងការដ្ឋាន មានស្រុកកំណើតភូមិគោកគ្រោះ ឃុំព្រៃធំ ស្រុកកំពុងរោ ខេត្តស្វាយរៀង។ ចំណែកតៃកុងរថយន្តក្រុមហ៊ុនសូងួនបានរត់គេចខ្លួនបាត់ស្រមោល។

ក្រោយពីកើតហេតុ សម្ថតិច្ចជំនាញក៏បានចុះមកវាស់វែងរថយន្តទាំងពីរយកទៅរក្សារទុកនៅអធិការដ្ឋាននគរបាលខណ្ខដង្កោ ដើម្បីរងចាំភាគីទាំងសងខាងចូលខ្លួនមកដោះស្រាយនៅពេលក្រោយ៕