ភ្នំពេញៈ យោងតាមសេចក្តីជូនដំណឹងរបស់ ក្រសួងធនធានទឹក និងឧតុនិយម ស្តីពីការព្យាករណ៍អាកាសធាតុចាប់ពីថ្ងៃទី១១ ដល់ថ្ងៃទី១៦ ខែកក្កដា ឆ្នាំ២០១៧នេះ ដោយសារតែជ្រលងសម្ពាធទាប បាននិងកំពុងបន្តបង្កើតឥទ្ធិពល លើព្រះរាជាណាចក្រកម្ពុជា ដែលជាហេតុ បណ្តាលឲ្យ តំបន់ទំនាបកណ្តាល និងតំបន់ខ្ពង់រាប រួមមាន រាធានីភ្នំពេញ កំពង់ស្ពឺ ព្រៃវែង ស្វាយរៀង កំពង់ធំ កំពង់ចាម ត្បូងឃ្មុំ ក្រចេះ និងខេត្តមណ្ឌលគិរី អាចនឹងមានភ្លៀងធ្លាក់ច្រើន។

ចំណែកតំបន់មាត់សមុទ្រ រួចមាន ដូចជា លើផ្ទៃសមុទ្រ ក្បែរតំបន់ឆ្នេរ និងតំបន់ឆ្នេរនៃខេត្តកោះកុង និងខេត្តព្រះសីហនុ អាចនឹងមានភ្លៀងធ្លាក់ច្រើន និងរលកសមុទ្រមានកម្ពស់ខ្ពស់ៗ។