Reuters ៖ កាលពីសប្ដាហ៍មុន មានការបែកធ្លាយរូបភាពអាក្រាតកាយរបស់តារាស្រីល្បីៗររបស់អាមេរិកជាច្រើនរូប តាមរយៈ iCloud ហើយក្រោយពេលបែកធ្លាយព័ត៌មាននេះ ក្រុមហ៊ុន Apple បានច្រានចោល និងបានបញ្ជាក់ថា ខ្លួនយល់ព្រមធ្វើការស៊ើបអង្កេតជាមួយ FBI ដើម្បីរកឲ្យឃើញការពិត។
នៅពេលនេះ Apple បានបញ្ជាក់ថា ខ្លួននឹងធ្វើការបន្ថែមប្រព័ន្ធសុវត្ថិភាពទៅលើសេវាកម្ម iCloud ដើម្បីបង្កើនទំនុកចិត្តដល់អ្នកប្រើប្រាស់។ លោក Tim Cook នាយកប្រតិបត្តិ Apple បានថ្លែងនៅក្នុងកិច្ចពិភាក្សាមួយថា អ្នកប្រើប្រាស់ iCloud ទាំងអស់នឹងទទួលបានសារដាស់តឿននៅពេលដែលមាននរណាម្នាក់ព្យាយាមប្ដូរពាក្យសម្ងាត់ ឬធ្វើការ Restore ទិន្នន័យទៅលើ iCloud នៅពេលភ្ជាប់ជាមួយនឹងឧបករណ៍ថ្មី។
លោកនាយកប្រតិបត្តិរូបនេះ បានបញ្ជាក់បន្ថែមទៀតថា ការធ្វើបែបនេះគឺដើម្បីឲ្យប្រាកដទៅលើអត្តសញ្ញាណរបស់អ្នកប្រើ ជៀសវាងការបាត់បង់ទិន្នន័យ និងភាពជាឯកជន៕
មតិយោបល់