កំពង់ចាម: យោងតាមផេក ស្នងការដ្ឋាននគរបាលខេត្តកំពង់ចាម បានឲ្យដឹងថា​ ជនសង្ស័យម្នាក់ ត្រូវបានសមត្ថកិច្ចចាប់ខ្លួនកាលពីថ្ងៃទី១០ ខែកក្កដា ឆ្នាំ២០១៧ រហូតមកដល់ថ្ងៃទី១២ កក្កដា ម្សិលមិញនេះ ត្រូវបានលោកព្រះរាជអាជ្ញាចេញដីកាបង្គាប់ឲ្យឃុំខ្លួនហើយ។

សមត្ថកិច្ចនៃអធិការដ្ឋាននគរបាលស្រុកស្ទឹងត្រង់បានឲ្យដឹងថា កាលពីថ្ងៃទី១០ ខែកក្កដា ឆ្នាំ២០១៧ ត្រូវបានលោក សោ សុភា ចៅក្រមស៊ើបសួរសាលាដំបូងខេត្តកំពង់ចាម បានចេញដីកាបង្គាប់ឲ្យឃុំខ្លួនលេខ ៤២៤ ឃ.ខ ចុះថ្ងៃទី១២ ខែកក្កដា ឆ្នាំ២០១៧ សម្រេចឃុំខ្លួនជនជាប់ចោទម្នាក់ ពីបទលួច ដែលប្រព្រឹត្តកាលពីថ្ងៃទី៨ ខែកក្កដា ឆ្នាំ២០១៧ នៅភូមិព្រែកទក់ ឃុំខ្ពបតាងួន ស្រុកស្ទឹងត្រង់ ខេត្តកំពង់ចាម។

គួរបញ្ជាក់ថា កាលពីថ្ងៃទី១០ ខែកក្កដា ឆ្នាំ២០១៧ កម្លាំងអធិការដ្ឋាននគរបាលស្រុកស្ទឹងត្រង់ បានបង្ក្រាបបទល្មើស លួច បានធ្វើការឃាត់ខ្លួនជនសង្ស័យម្នាក់ឈ្មោះ ភាក់ សារ៉ាត ភេទប្រុស អាយុ១៧ឆ្នាំ មុខរបរកសិករ ទីកន្លែងកំណើតនិងអាសយដ្ឋានបច្ចុប្បន្ន នៅភូមិព្រែកទក់ ឃុំខ្ពបតាងួន ស្រុកស្ទឹងត្រង់ ខេត្តកំពង់ចាម។

បច្ចុប្បន្នជនជាប់ចោទ ត្រូវបានសមត្ថកិច្ចបញ្ជូនទៅឃុំខ្លួននៅពន្ធនាគារខេត្តកំពង់ចាម រួចរាល់ហើយ នៅថ្ងៃទី១២ ខែកក្កដា ឆ្នាំ២០១៧ ទៅតាមបញ្ញត្តិច្បាប់មាត្រា ៣៥៣ និងមាត្រ ៣៥៦ នៃក្រមព្រហ្មទណ្ឌ៕