ប៉ៃលិនៈ កម្លាំងសមត្ថកិច្ចជំនាញនៃស្នងការដ្ឋាននគរបាលខេត្តប៉ៃលិន បានចុះបង្ក្រាបជនសង្ស័យ២នាក់ ករណីជួញដូរ និងប្រើប្រាស់គ្រឿងញៀន។

ប្រតិបត្តិការនេះបានធ្វើឡើងនៅវេលាម៉ោង៩និង១៥នាទី ថ្ងៃទី១២ ខែកក្កដា ឆ្នាំ២០១៧ ត្រង់ចំណុចផ្ទះសំណាក់ពេជ្រសំណាង ស្ថិតក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន។

ប្រភពព័ត៌មានបានឲ្យដឹងថា ជនសង្ស័យទាំង២នាក់ ទី១ឈ្មោះ សែម ស្រីនិច ភេទស្រី អាយុ ៣០ឆ្នាំនិងទី២ឈ្មោះ វ៉ាត ធារ៉ា ភេទប្រុស អាយុ២៩ឆ្នាំ។
វត្ថុតាងដកហូតរួមមាន ថ្នាំញៀន ICE ចំនួន ០២ កញ្ចប់តូច និងសំភារៈវេចខ្ចប់មួយចំនួន។

បច្ចុប្បន្នជនសង្ស័យទាំង២នាក់ ត្រូវបានសមត្ថកិច្ចឃាត់ខ្លួនដើម្បីសាកសួរនិងកសាងសំណុំរឿងដោះស្រាយតាមនីតិវិធីច្បាប់៕