កំពង់ចាមៈ បុរសម្នាក់ ត្រូវបានសមត្ថកិច្ចឃាត់ខ្លួន ពាក់ពន្ធ័នឹងករណីល្បែងស៊ីសងខុសច្បាប់ លក់កន្ទុយលេខឆ្នោត វៀតណាម។

ការចាប់ឃាត់ខ្លួនបានធ្វើឡើងនៅវេលាម៉ោង៣ និង៣០នាទីរសៀល ថ្ងៃទី១៧ ខែកក្កដា ឆ្នាំ២០១៧ នៅចំណុចភូមិរការលើ សង្កាត់សំបួរមាស ក្រុងកំពង់ចាម ខេត្តកំពង់ចាម។

ជនសង្ស័យមានឈ្មោះ ទូច សាវង្ស ភេទប្រុស អាយុ៤០ឆ្នាំ ស្នាក់នៅភូមិឃុំកើតហេតុខាងលើ។ ក្នុងនោះដកហូតបាន៖ សៀវភៅកត់កន្ទុយលេខ១ក្បាល, ទូរសព្ទ២គ្រឿង, ម៉ាស៊ីនគិតលេខ១, ដែកកឹប១,ប៊ិច២,កាបោន១សន្លឹក, ប្រាក់ចំនួន១.៥៦០.០០០រៀល និងក្រដាស់កត់លេខឆ្នោត១សន្លឹក។

បច្ចុប្បន្នជនសង្ស័យនិងវត្ថុតាង ត្រូវបានសមត្ថកិច្ចឃុំខ្លួនជាបណ្តោះអាសន្ននៅស្នងការដ្ឋាននគរបាលខេត្ត ដើម្បីកសាងសំណុំរឿង ចាត់ការតាមនិតិវិធីច្បាប់៕