ក្រចេះ: នៅវេលាម៉ោង៨និង៣០នាទី ថ្ងៃទី២៥ ខែឧសភា ឆ្នាំ២០១៦ កម្លាំងកងរាជអាវុធហត្ថខេត្តក្រចេះ បានឃាត់ខ្លួនជនសង្ស័យពីរនាក់ ពាក់ព័ន្ធករណី ជួញដូរ និងរក្សាទុកនូវសារធាតុញៀន ស្ថិតនៅចំណុច ភូមិអូរឫស្សី១សង្កាត់អូរឫស្សី ក្រុងក្រចេះ ខេត្តក្រចេះ។

ប្រភព​ឲ្យដឹងថា ជនសង្ស័យមានទី១ឈ្មោះ ម៉ុក លី ភេទប្រុស អាយុ ៣៥ឆ្នាំ ជនជាតិខ្មែរ មានទីលំនៅពុំពិតប្រាកដ មុខរបរ អ្នកសារពត៌មានតាព្រហ្ម។

ទី២ឈ្មោះចេង វាសនា ហៅ វ៉ា ភេទប្រុស អាយុ ២៦ឆ្នាំ ជនជាតិខ្មែរ មានទីលំនៅ ភូមិកាប៉ូ សង្កាត់ អូរឬស្សី ក្រុងក្រចេះ ខេត្តក្រចេះ មុខរបរ អ្នកបើកបររថយន្ត។

ក្រោយឃាត់ខ្លួនសមត្ថកិច្ចដកហូត វត្ថុតាងចាប់យករួមមាន៖
ម្សៅក្រាមព៌ណសថ្លា ចំនួន០៣កញ្ចប់, ម៉ូតូចំនួន ០២គ្រឿង, ទូរស័ព្ទចំនួន ០៤គ្រឿង, ថង់ជ័រសំរាប់រំលែកគ្រឿងញៀន ចំនួន ៦៤ ថង់, ទុយោជ័រចំនួន០៨, ក្បាលដបទឹកសុទ្ធ ០២, ដែកកេះ ០៣, ដបទឹកសុទ្ធ ០១, គំរបជ័រ ពណ៌ក្រហម ០១, ក្រដាស់អាលុយមីញ៉ូម ០៤ បន្ទះ, និង​មួកសុវត្ថិភាព០១។

បច្ចុប្បន្ន ជនសង្ស័យ និងវត្ថុតាងត្រូវកម្លាំងអាវុធហត្ថខេត្ត កំពុងកសាងសុំណុំរឿងតាមនីតិវិធីបញ្ជូនទៅតុលាការ៕