ភ្នំពេញ៖ ជនសង្ស័យចំនួន ០៨នាក់ ហើយនិងថ្នាំញៀនចំនួន ០៤កញ្ចប់ ត្រូវបានកម្លាំងសមត្ថកិច្ចខណ្ឌជ្រោយចង្វារបានធ្វើការឃាត់ខ្លួន កាលពីវេលាម៉ោង ៩និង០០នាទីយប់ ថ្ងៃទី០៦ ខែមេសា ឆ្នាំ២០១៦ ស្ថិតនៅចំណុចផ្លូវជាតិលេខ៦អា ភូមិព្រែកលៀប សង្កាត់ព្រែកលៀប ខណ្ឌជ្រោយចង្វារ។
សមត្ថកិច្ច បានប្រាប់ឲ្យដឹងថា នៅថ្ងៃទី០៦ ខែមេសា ឆ្នាំ២០១៦ កម្លាំងសមត្ថកិច្ចយើងបាននឹងកំពុងជិះល្បាតជុំវិញមូលដ្ឋាន ស្រាប់តែកំពុងជិះល្បាត ក៏បានប្រទះឃើញជនសង្ស័យចំនួន ០៨នាក់ បានជិះម៉ូតូចំនួន ០៤គ្រឿង តាមបណ្តាយផ្លូវជាតិលេខ ៦អា ស្ថិតនៅក្នុងភូមិព្រែកលៀប សង្កាត់ព្រែកលៀប ខណ្ឌជ្រោយចង្វារ ដោយមានការសង្ស័យ ទើបសមត្ថកិច្ចយើងក៏បានហៅឲ្យឈប់ រួចបានធ្វើការឆែកឆេរបានរកឃើញថ្នាំញៀនចំនួន ០៤កញ្ចប់ រួចបានធ្វើការឃាត់ខ្លួនយកមកសួរនាំនៅអធិការដ្ឋាននគរបាលខណ្ឌ។
ជនសង្ស័យចំនួន ០៨នាក់ មានឈ្មោះ៖ ទី១ ឈ្មោះ ញឹម សុធា ភេទ ប្រុស អាយុ ១៩ឆ្នាំ មុខរបរ កម្មករសំណង់, ទី២ ឈ្មោះ សឿន ស្រេង ភេទ ប្រុស អាយុ ២៣ឆ្នាំ មុខរបរ កម្មករសំណង់, ទី៣ ឈ្មោះ លី មករា ភេទ ប្រុស អាយុ ២០ឆ្នាំ មុខរបរ ជាងគ្រឿងចក្រ, ទី៤ ឈ្មោះ គាង គឹមហេង ភេទ ប្រុស អាយុ ១៧ឆ្នាំ មុខរបរ នៅផ្ទះ, ទី៥ ឈ្មោះ សៀង គីមហេង ភេទ ប្រុស អាយុ ២២ឆ្នាំ មុខរបរ នៅផ្ទះ, ទី៦ ឈ្មោះ យឺន វណ្ណា ភេទ ប្រុស អាយុ ២០ឆ្នាំ មុខរបរ នៅផ្ទះ, ទី៧ ឈ្មោះ ស្រៀង ជន ភេទ ប្រុស អាយុ ៣១ឆ្នាំ មុខរបរ កម្មករសំណង់ និងទី៨ ឈ្មោះ វ៉ន វ័ន្ត ភេទ ប្រុស អាយុ ២១ឆ្នាំ មុខរបរ កម្មករសំណង់ ។ ក្នុងនោះ សមត្ថកិច្ចយើងបានធ្វើការដកហូតនៅសំភារៈ មួយចំនួនរួមមាន ប្រភេទម៉ាទឹកកកចំនួន ០៤កញ្ចប់តូច នឹងម៉ូតូចំនួន ០៤គ្រឿង ។
បច្ចុប្បន្នជនសង្ស័យទាំង ០៨នាក់ ត្រូវបានកម្លាំងសមត្ថកិច្ចបញ្ជូនទៅឃុំខ្លួនជាបណ្តោះអាសន្ននៅអធិការដ្ឋាននគរបាលខណ្ឌជ្រោយចង្វារ ដើម្បីកសាងសំណុំរឿង បញ្ជូនទៅកាន់តុលាការចាត់ការបន្តតាមផ្លូវច្បាប់៕ ស៊ុនតិច
មតិយោបល់