ភ្នំពេញៈ លោកវរសេនីយ៍ឯក ប៊ុន សត្យា ប្រធានការិយាល័យព្រហ្មទណ្ឌកម្រិតស្រាលរាជធានីភ្នំពេញ បានប្រាប់Post News ថា ជនសង្ស័យ៣នាក់ ត្រូវបានសមត្ថកិច្ចឃាត់ខ្លួន ក្រោយពីធ្វើសកម្មភាពឆក់យ៉ាងសកម្មក្នុងរាជធានីភ្នំពេញ។

លោកវរសេនីយ៍ឯក ប៊ុន សត្យា បានបន្តថា ហេតុការណ៍កើតឡើងនៅវេលាម៉ោង ១យប់ រំលងអធ្រាត្រ ឈានចូលថ្ងៃទី ២៣ ខែតុលា ឆ្នាំ២០១៦ (ឆក់កាបូបដៃក្នុងនោះមានទូរសព្ទដៃមួយគ្រឿងម៉ាកអាយហ្វូន៦ផ្លឹស ពណ៌ទឹកប្រាក់មានស៊ីមកាតលេខ៤៤៧៤៥០៦៨៥០៤៦) នៅចំណុច មុខវិហារចាម ផ្លូវលេខ ៨៦ ភូមិ៦ សង្កាត់ស្រះចក ខណ្ឌដូនពេញ លើជនរងគ្រោះឈ្មោះ John William Wanmadoocks ភេទប្រុស អាយុ២២ ឆ្នាំ ជនជាតិអង់គ្លេស ស្នាក់នៅផ្ទះសំណាក់គ្រីវីយូ ភូមិ៦ សង្កាត់ស្រះចក ខណ្ឌដូនពេញ មុខរបរ ទេសចរណ៍ ចុះថ្ងៃទី២៣ ខែតុលា ឆ្នាំ២០១៦។ និងនៅវេលាម៉ោង១១ និង៤៨នាទី ថ្ងៃទី១ ខែកក្កដា ឆ្នាំ២០១៧ ឆក់កាបូបស្ពាយដែលក្នុងនោះមានប្រាក់ដុល្លារចំនួន១,២០០ដុល្លារអាមេរិក និងប្រាករៀលចំនួន ១០,០០០,០០០ រៀល ទូរ សព្ទដៃមួយគ្រឿងម៉ាកអាយហ្វូនហ្វាយអេស ពណ៌ទឹកមាស និងឯកសារមួយចំនួន នៅចំណុចមុខវិទ្យាស្ថានសុខភាពសាធារណៈ ផ្លូវ២៨៩ សង្កាត់បឹងកក់១ ខណ្ឌទួលគោក លើជនរងគ្រោះឈ្មោះ ញឹម តនីតា ភេទស្រី អាយុ ២៦ ឆ្នាំ ជនជាតិ ខ្មែរ មុខរបរ បុគ្គលិកក្រុមហ៊ុន មានទីលំនៅផ្ទះលេខ៦២ដេ ផ្លូវលេខ១៩ សង្កាត់ស្វាយប៉ាក ខណ្ឌឫស្សីកែវ និងនៅវេលាម៉ោង១០ និង៣០នាទី ថ្ងៃទី ៥ ខែកក្កដា ឆ្នាំ២០១៧ ឆក់កាបូបស្ពាយដែលក្នុងនោះមានទូរសព្ទចំនួន៣គ្រឿង,ប្រាក់ចំនួន៣,០០០ដុល្លារអាមេរិក និងសម្ភារៈមួយចំនួន នៅចំណុចមុខសាលាបឋមសិក្សាទួលគោក ផ្លូវ២៨៩ សង្កាត់បឹងកក់១ ខណ្ឌ ទួលគោក លើជនរងគ្រោះឈ្មោះ នូវ ចន្ធូ ភេទ ស្រី អាយុ ៤១ ឆ្នាំ ជនជាតិ ខ្មែរ ស្នាក់នៅភូមិ២ សង្កាត់កោះរ៉ុង ក្រុង ព្រះសីហនុ ខេត្តព្រះសីហនុ មុខរបរ នៅផ្ទះ។

ក្រោយមានសភាពការណ៍កើតឡើង កម្លាំងជំនាញរបស់ការិយាល័យបានធ្វើការស្រាវជ្រាវ ហើយនៅថ្ងៃទី៣០ ខែកក្កដា ឆ្នាំ២០១៧ ដោយមានកិច្ចសហការពីស្នងការដ្ឋាននគរបាលខេត្តព្រះសីហនុ ឃាត់ខ្លួនជនសង្ស័យម្នាក់ឈ្មោះ ហង្ស វីរៈ ហៅ ប៊ឹប ភេទប្រុស អាយុ ១៧ ឆ្នាំ ជនជាតិ ខ្មែរ មុខរបរ សិស្ស មានទីលំនៅ សង្កាត់ស្រះចក ខណ្ឌដូនពេញ រាជធានីភ្នំពេញ នៅចំណុច កោះរ៉ុង សង្កាត់កោះរ៉ុង ខេត្តព្រះសីហនុ និងចាប់យកវត្ថុតាងជាមធ្យោបាយធ្វើសកម្មភាពម៉ូតូមួយគ្រឿងម៉ាកហុងដាសេ១២៥ ស៊េរីឆ្នាំ២០១៧ ពាក់ស្លាកលេខ ភ្នំពេញ1GJ-7421។

ក្រោយពីមានចម្លើយសារភាពរបស់ឈ្មោះ ហង្ស វីរៈ ហៅ ប៊ឹប នៅថ្ងៃទី ៣១ ខែកក្កដា ឆ្នាំ២០១៧ វេលាម៉ោង ៩ និង២០នាទី កម្លាំងការិយាល័យបានធ្វើការឃាត់ខ្លួនបានជនសង្ស័យនៅចំណុចមុខស្ថានទូតវៀតណាម ផ្លូវមុន្នីវង្ស សង្កាត់ទន្លេបាសាក់ ខណ្ឌចំការមន រាជធានីភ្នំពេញ ចំនួន៣នាក់៖
១-ឈ្មោះ រឿន ពេជ្រ ភេទ ប្រុស អាយុ ១៧ ឆ្នាំ ជនជាតិ ខ្មែរ មុខរបរ មិនពិតប្រាកដ ស្នាក់នៅផ្ទះលេខ៤៧ ផ្លូវលេខ៨០ សង្កាត់ស្រះចក ខណ្ឌដូនពេញ រាជធានីភ្នំពេញ ។
និងចាប់យកវត្ថុតាងជាមធ្យោបាយជិះធ្វើសកម្មភាព ម៉ូតូមួយគ្រឿងម៉ាកហុងដា សេ១២៥ ពណ៌ក្រហម ស៊េរីឆ្នាំ ២០១៧ គ្មានស្លាកលេខ ។
២-ឈ្មោះ ឈន ហេងហាក់ ភេទប្រុស អាយុ ១៧ ឆ្នាំ ជនជាតិ ខ្មែរ មុខរបរ មិនពិតប្រាកដ ស្នាក់នៅផ្ទះលេខ២៨២ ផ្លូវ៥៩៨ ភូមិ៧ សង្កាត់ភ្នំពេញថ្មី ខណ្ឌសែនសុខ ។
៣-ឈ្មោះ សេង សុធារិទ្ធិ ហៅ រិទ្ធ ភេទប្រុស អាយុ២១ឆ្នាំ ជនជាតិ ខ្មែរ មានទីលំនៅផ្ទះជួល ផ្លូវ៦១០ សង្កាត់ បឹងកក់២ ខណ្ឌ ទួលគោក រាជធានីភ្នំពេញ មុខរបរ មិនពិតប្រាកដ ។

បច្ចុប្បន្នការិយាល័យបានកសាងសំណុំរឿង បញ្ជូនតាមនិតិវិធីច្បាប់៕

https://youtu.be/a-Gc0FsouIw