ព្រះសីហនុៈ នៅវេលាម៉ោង១១និង៤០នាទីយប់ ថ្ងៃទី១១ ខែសីហា ឆ្នាំ២០១៧ កម្លាំងជំនាញនៃការិយាល័យប្រឆាំងបទល្មើសសេដ្ឋកិច្ចសហការ និងកម្លាំងអធិការដ្ឋាននគរបាលស្រុកព្រៃនប់ បានឃាត់រថយន្ត១គ្រឿង ម៉ាក់ហ៊ីយ៉ាន់ដាយ ពាក់ស្លាក់លេខ ភ្នំពេញ3C-7794 ដែលបានដឹកទំនិញ ខ្យងសរ លាយជាមួយកូនគ្រេង ពីឃុំថ្មសរ ខេត្តកោះកុង ទៅច្រកព្រែកចាក ខេត្តកំពត ដើម្បីទៅប្រទេសវៀតណាម ។

ប្រភពព័ត៌មានបានឲ្យដឹងថា អ្នកបើកបរមានឈ្មោះ ឃុន រុំ ភេទប្រុស អាយុ៣៨ឆ្នាំ (តៃកុងឡាន)។ កម្លាំងជំនាញបានឃាត់រថយន្តនៅចំណុចផ្លូវបំបែកវាលរេញទៅខេត្តកំពត។

បញ្ជាក់ រថយន្តដឹកទំនិញនេះគ្មានឯកសារឬលិខិតអនុញ្ញាតទេ៕