កណ្តាល: បុរសម្នាក់បានសម្រេចចិត្តចងកសម្លាប់ខ្លួនមិនដឹងពីមូលហេតុ បន្ទាប់ពីដើរប្រាប់បងស្រី និងមីង ឲ្យជួយមើលថែកូនរួច។
ហេតុការណ៍នេះបានកើតឡើងកាលពីវេលាម៉ោង៦និង៣០នាទី ថ្ងៃទី១៧ ខែសីហា ឆ្នាំ២០១៧
នៅចំណុចនៅលើផ្ទះជនរងគ្រោះ ភូមិព្រែកលិច សង្កាត់ព្រែក ក្រុងតាខ្មៅ ខេត្តកណ្ដាល។
ជនរងគ្រោះឈ្មោះ ខេន ខុន ភេទប្រុស អាយុ៣៦ឆ្នាំ មុខរបរលក់ដូរ បច្ចុប្បន្នរស់នៅភូមិព្រែកហូរលិច សង្កាត់ព្រែកហូរ ក្រុងតាខ្មៅ ខេត្តកណ្ដាល។
នគរបាលក្រុងតាខ្មៅបានប្រាប់ឲ្យដឹងថា តាមការសាកសួបំភ្លឺពីបងប្រុសបង្កើតជនរងគ្រោះបានឲ្យដឹងថា មុនពេលកើតហេតុជនរងគ្រោះបានដើរប្រាប់បងស្រី និងមីងឲ្យជួយមើលថែកូនផង លុះមកដល់ថ្ងៃទី១៧ ខែសីហា ឆ្នាំ២០១៧ ក៏ឃើញជនរងគ្រោះចងក ដាច់ខ្យល់ស្លាប់បាត់ទៅហើយ រួចក៏រាយការណ៍ជូនសមត្តកិច្ចតែម្តង។
ការសន្និដ្ឋាន: តាមការពិនិត្យរបស់ផ្នែកជំនាញបចេ្ចកទេសក្រុងតាខ្មៅ បានសន្និដ្ឋានថាជនរងគ្រោះពិតជាបានស្លាប់ដោយសារធ្វើអត្តឃាតចងកសម្លាប់ខ្លួនពិតប្រាកដមែន ដោយមិនបានពាក់ពន័្ធបទល្មើសព្រហ្មទណ្ឌឡើយ។ ការពិនិត្យចប់សព្វគ្រប់ សាកសពត្រូវបានប្រគល់ឲ្យបងប្រុសជនរងគ្រោះយកទៅធ្វើបុណ្យតាមប្រពៃណី៕
មតិយោបល់