ភ្នំពេញ: សមត្ថកិច្ចនគរបាលខណ្ឌសែនសុខបានចុះបង្ក្រាបលែងល្បែងស៊ីសងមួយកន្លែង ឃាត់ខ្លួនមនុស្ស៥នាក់ ក្នុងនោះស្រីម្នាក់។

ប្រតិបត្តិការនេះបានធ្វើឡើងនៅវេលាម៉ោង១១ និង៤០នាទីព្រឹកថ្ងៃទី១ ខែមិថុនា ឆ្នាំ២០១៦ ស្ថិតនៅភូមិសំរោងទាវ សង្កាត់ក្រាំងធ្នង់ ខណ្ឌសែនសុខ។

ក្រោយពីឃាត់ខ្លួនសមត្ថកិច្ចដកហូតបានវត្ថុតាងរួមមាន ម៉ូតូ៨គ្រឿង និងបៀ១ហូរ ។ បច្ចុប្បន្នជនសង្ស័យនិងវត្ថុតាងត្រូវបានបញ្ជូនទៅអធិការដ្ឋាននគរបាលខណ្ឌសែនសុខ ដើម្បីចាត់ការតាមច្បាប់៕