ពោធិ៍សាត់: លោកអធិការស្រុកបាកាន បានប្រាប់ Post News ថា មានករណីបុរសម្នាក់ មានជំងឺសសៃប្រសាទប្រចាំកាយ បានចុះងូតទឹកប្រឡាយ បណ្តាលឲ្យលង់ស្លាប់យ៉ាងអាណោចអាធ័ម។
ហេតុការណ៍នេះបានកើតឡើងកាលពីវេលាម៉ោង១១និង៤០នាទី ថ្ងៃត្រង់ទី១ ខែកញ្ញា ឆ្នាំ២០១៧ ស្ថិតនៅចំណុចប្រឡាយជាប់ផ្លូវ ស្ថិតក្នុងភូមិតាណេ ឃុំតាណេ ស្រុកបាកាន ខេត្តពោធិ៍សាត់។
សាកសពជនរងគ្រោះខាងលើនេះ មានឈ្មោះ ឡាយ ឡុក ភេទប្រុស អាយុ៧១ឆ្នាំ ស្នាក់នៅមិនពិតប្រាកដ ជាមនុស្សដែលមានជំងឺសសៃប្រសាទប្រចាំកាយ ចេះតែកើតមានអាការ: ញីញ័រជាប្រចាំ ដោយបានចុះងូតទឹកប្រឡាយខាងលើ ខណ:នោះទំនងជាអាការ:រើឡើង ក៏បណ្តាលឲ្យលង់ស្លាប់បែបនេះតែម្តង ។
បច្ចុប្បន្នសពជនរងគ្រោះខាងលើ ត្រូវបានសមត្ថកិច្ចប្រគល់ទៅឲ្យក្រុមគ្រួសារធ្វើបុណ្យតាមប្រពៃណី៕
មតិយោបល់