Post News Media ព័ត៌មានជាតិ រថយន្តសាំយ៉ុង...

រថយន្តសាំយ៉ុងចងកំហឹងរនាំងដែកចែកទ្រូងផ្លូវ ព្រលះបាក់អស់២ផ្ទាំង

ភ្នំពេញ: រនាំងដែកសម្រាប់ខណ្ឌចែក ទ្រូងផ្លូវចំនួន២ផ្ទាំង ត្រូវបានបាក់ខ្ទេច និងរប៉ាត់រប៉ាយពេញផ្លូវ​ បន្ទាប់ពីបុរសមិនស្គាល់អត្តសញ្ញាណម្នាក់ បើករថយន្តទៅបុកទាំងកំរោល​ នៅត្រង់មុខក្រសួងការពារជាតិ​ ដែលស្ថិតតាមបណ្តោយ មហាវិថីសហព័ន្ធរុស្ស៊ី ​ក្នុងសង្កាត់មិត្តភាព ខណ្ឌ៧មករា​ នៅម៉ោង​ ១និង០០ នាទីរំលងអាធ្រាត្រ​ ឈានចូលថ្ងៃទី២ ខែមិថុនា ​ ឆ្នាំ​២០១៦នេះ។

បើតាមប្រភពព័ត៌មានពីអ្នក ដែលបានឃើញហេតុការណ៍ខាងលើនេះ បាននិយាយថា មុនពេលកើតហេតុគេឃើញ​រថយន្ត​ សាំយ៉ុង ១២កៅអី ពណ៌ស ពាក់ស្លាកលេខ ភ្នំពេញ 2Y-5054 មួយគ្រឿង​ ដែលបើកដោយបុរសម្នាក់ និងរួមដំណើរជាមនុស្សបួនប្រាំនាក់ បានធ្វើដំណើរ តាមបណ្តោយមហាវិថីសហពន្ធរុស្ស៊ី ​ក្នុងទិសដៅពីកើត​ទៅលិច លុះមិនដឹងជាយ៉ាងមិចស្រាប់តែ​ មកដល់មុខក្រសួងការពារជាតិ ​ដែលជាកន្លែងកើតហេតុ​ រថយ​ន្តបានរេចង្កូត​ ទៅបុកនិងរនាំងដែលដាក់ខណ្ឌចែកទ្រូងផ្លូវ បណ្តាឲ្យបាក់អស់២ ផ្ទាំង​ រឺឯរថយន្តវិញ​ ក៏គល់ជាប់ខូចខាតស្ទើរតែទាំងស្រុង​ ខណ:ពេលដែលអ្នកបើកបរពុំមានរងរបួស។

ប្រភពព័ត៌មានបានឲ្យដឹងទៀតថា អ្នកបើកបរបន្ទាប់ពីដឹងថា ខ្លួនពុំមានរងរបួសហើយនោះ បានបើកទ្វាររថយន្តចុះ គេចចេញពីកន្លែងកើតហេតុបាត់ ដោយបន្សល់ទុកតែរនាំងដែក ដែលបាក់និងរថយន្ដរងការខូចខាត នៅកន្លែង​តែប៉ុណ្ណោះ។

រថយន្តដែលបន្សល់ទុកនៅន្លែងកើតហេតុ ក្រោយពីបើកបុករួចត្រូវបានកម្លាំងជំនាញ ចុះមកធ្វើការវាស់វែង នឹងស្ទួចយកទៅរក្សាទុកនៅការរិយាល័យចរាចរណ៍ផ្លូគោក នៃស្នងការដ្ឋាននគរបាលរាជធានីភ្នំពេញ ដើម្បីរងចាំ​ដោះស្រាយគ្នានៅពេលក្រោយ៕

photo_2016-06-02_08-18-44

photo_2016-06-02_08-18-43

photo_2016-06-02_08-18-42

photo_2016-06-02_08-18-41