កំពង់ចាមៈ នៅថ្ងៃទី ០៣ ខែកញ្ញា ឆ្នាំ ២០១៧ កម្លាំងអធិការដ្ឋាននគរបាលក្រុងកំពង់ឆ្នាំង
បានបង្ក្រាបករណីអំពើលួចម៉ូតូ ០១ គ្រឿង ដែលហេតុការណ៍នេះ បានកើតទ្បើងកាលពីយប់ថ្ងៃទី ០២ ខែកញ្ញា
ឆ្នាំ២០១៧ វេលាម៉ោង២ ទៀបភ្លឺ ឈានចូលថ្ងៃទី០៣ ខែកញ្ញា ឆ្នាំ២០១៧។

ជនសង្ស័យបានធ្វើសកម្មភាព ចូលអូសម៉ូតូក្នុង (ភាស៊ីផ្ញើរម៉ូតូ) នៅឯមន្ទីរពេទ្យចេញមកក្រៅ រួចអូសបណ្ដើរ តាមចំណុចផ្លូវក្រោយមន្ទីរពេទ្យ ដល់ចំណុចជិតសាលាបុណ្យភូមិកណ្ដាល ខណៈដែលកម្លាំង
សមត្ថកិច្ចកំពុងចេញល្បាត ក៏ប្រទះឃើញមានការសង្ស័យ ក៏នាំខ្លួនមកកាន់អធិការដ្ឋានតែម្ដង។

ជនសង្ស័យឈ្មោះ វង្ស វី ភេទប្រុស អាយុ ៣៣ឆ្នាំ មានទីលំនៅភូមិជរ ឃុំប្រស្នឹប ស្រុករលាប្អៀរ ខេត្តកំពង់ចាម ជាប់ចោទពីពីបទលួចម៉ូតូ របស់ជនរងគ្រោះឈ្មោះ គង់ ហុន ភេទប្រុសអាយុ ៣៤ឆ្នាំ មានទីលំនៅភូមិព្រៃមាន់ ឃុំស្រែថ្មីស្រុករលាប្អៀរ។

ក្រោយឃាត់ខ្លួន សមត្ថកិច្ចដកហូតវត្ថុតាងបាន៖ ម៉ូតូម៉ាកស៊ុយសាគីស្មាស់ ០១គ្រឿង ពណ៌ខ្មៅ
ពាក់ផ្លាកលេខ កណ្ដាល 1.I 8963 ៕