ស្ទឹងត្រែងៈ នៅវេលាម៉ោង ២ និង៣០ នាទី ថ្ងៃទី០៣ ខែកញ្ញា ឆ្នាំ២០១៧ នៅចំណុច ខាងត្បូងសាលាបឋមសិក្សាអូរខ្លុង ប្រហែលចម្ងាយ ១០០ ម៉ែត្រ មានករណីរន្ទះបាញ់ចំអ្នកបើកបរម៉ូតូម្នាក់ បណ្ដាលឲ្យស្លាប់ម្នាក់ភ្លាមៗ​ នៅភូមិអូរខ្លុង សង្កាត់ស្រះឬស្សី ក្រុងស្ទឹងត្រែង ខេត្តស្ទឹងត្រែង។

ជងរងគ្រោះឈ្មោះ ភួយ ណារឹម ភេទប្រុស អាយុ ២២ ឆ្នាំ ទីលំនៅឃុំកាទ្បែង ស្រុកលីផាត់ ខេត្តរតនៈគិរី នៅអំទ្បុងពេលត្រូវរន្ទះបាញ់ ម៉ូតូនោះក៏បើកទៅបុក ម៉ូតូមួយគ្រឿងទៀត បើកបញ្ច្រាស់ទិសគ្នា បណ្ដាលឲ្យរងរបួសធ្ងន់ពីរនាក់។

ជនរងគ្រោះទី១ ឈ្មោះ ភឿន វេន ភេទប្រុស អាយុ ៤៥ ឆ្នាំ ត្រូវជាប្ដីអ្នកបើកបរ។ ចំណែកឯទី២ ឈ្មោះ សុខ ឌឿន ភេទស្រី អាយុ ៤២ ឆ្នាំ ត្រូវជាប្រពន្ធ អ្នកទាំងពីររស់នៅភូមិចង្រ្កង់ ឃុំកសាង ស្រុកចិត្តបុរី ខេត្តក្រចេះ។

សមត្ថកិច្ចបានប្រាប់ឲ្យដឹងថា ក្រោយកើតហេតុម៉ូតូទាំងពីរគ្រឿង រងការខូចខាត រីឯអ្នកស្លាប់វិញ មានស្នាមឆេះខ្លោច សក់ ស្មា ពោះ ខោ និងអាវ៕