ភ្នំពេញៈ យុវជនម្នាក់បានស្រេកឃ្លានតណ្ហាពេក ក៏បានដើរចូលទៅចាប់កុមារីម្នាក់ ហើយស្ទាបអង្អែលលើប្រដាប់ភេទកុមារីនោះ កាលពីវេលាម៉ោង៣និង៣០នាទីទៀបភ្លឺ ថ្ងៃទី០១ ខែមិថុនា ឆ្នាំ២០១៦ នៅចំណុចផ្ទះជួល ក្រុមទី១០ ភូមិសាមគ្គី សង្កាត់ឫស្សីកែវ ខណ្ឌឫស្សីកែវ។
ជនសង្ស័យដែលសមត្ថកិច្ចឃាត់ខ្លួននោះឈ្មោះ គីម រដ្ឋា ហៅ ពៅ ភេទប្រុស អាយុ ២០ឆ្នាំ មុខរបរ ជាងភ្លើង ស្នាក់នៅផ្ទះជួល ផ្លូវលំក្រុមទី១០ ភូមិសាមគ្គី សង្កាត់ឫស្សីកែវ ខណ្ឌឫស្សីកែវ។ ចំណែកឯក្មេងស្រីរងគ្រោះឈ្មោះ ក.ស.ម អាយុ ៧ឆ្នាំ មានទីលំនៅភូមិកើតហេតុខាងលើផ្ទះជិតគ្នា ។
លោក តូច គឹមសុង នាយប៉ុស្តិ៍ឫស្សីកែវ បានប្រាប់ឲ្យដឹងថា នៅមុនពេលកើតហេតុ ជនសង្ស័យបានចេញពីក្លឹបនាគមាស គោលបំណងទៅផ្ទះវិញ ហើយរូបគេបានដើរឆ្លងកាត់កន្លែងកើតហេតុ រួចបានសុំម្ចាស់ផ្ទះចូលបន្ទប់ទឹក ដើម្បីលុបមុខបន្តិច ខណៈដែលស្ត្រីជាម្តាយកំពុងអង្គុយធ្វើនំនៅខាងក្រៅផ្ទះ ក្រោយមកជនសង្ស័យបានឃើញក្មេងស្រីរងគ្រោះកំពុងដែលដេកលង់លក់នៅលើគ្រែក្បែរនោះ ក៏បានស្ទាបអង្អែល និងយកដៃលូកលេងប្រភេទរបស់ក្មេងស្រីរងគ្រោះ។ ក្រោយមកជនសង្ស័យខាងលើក៏បានដើរចេញពីផ្ទះរបស់ក្មេងស្រីរងគ្រោះនោះវិញ ហើយបានមកដេកសម្ងំនៅផ្ទះរបស់ខ្លួនវិញ។
លុះព្រឹកឡើងក្មេងស្រីរងគ្រោះបានចូលក្នុងបន្ទប់ទឹក ហើយមានការឈឺយ៉ាងខ្លាំង ក្រោយមកក្មេងស្រីរងគ្រោះបានប្រាប់ទៅម្តាយ ពេលនោះ ម្តាយក្មេងស្រីរងគ្រោះដឹងហើយ ក៏បានទៅដាក់ពាក្យបណ្តឹងនៅប៉ុស្តិ៍នគរបាលឫស្សីកែវ ទើបកម្លាំងសមត្ថកិច្ចបានបើកធ្វើការស្រាវជ្រាវ និងកំណត់មុខសញ្ញារហូតឈានដល់ការឃាត់ខ្លួនជនសង្ស័យបានតែម្តងកាលពីវេលាម៉ោង ៧និង០០នាទីយប់ ថ្ងៃទី០១ ខែមិថុនា ឆ្នាំ២០១៦។
បច្ចុប្បន្ន ជនសង្ស័យខាងលើ ត្រូវបានប៉ុស្តិ៍នគរបាលឫស្សីកែវ បញ្ជូនខ្លួនទៅឃុំជាបណ្តោះអាសន្ននៅអធិការដ្ឋាននគរបាលខណ្ឌឫស្សីកែវ ដើម្បីកសាងសំណុំរឿងបញ្ជូនទៅកាន់តុលាការ ចាត់ការបន្តតាមនីតិវិធីច្បាប់៕
មតិយោបល់