ព្រះសីហនុៈ កម្លាំងការិយាល័យប្រឆាំងគ្រឿងញៀន បានសហការជាមួយកម្លាំងអធិការក្រុងព្រះសីហនុ បានអនុវត្តវិធានការញុះញង់ឲ្យលក់ដោយខុសច្បាប់នូវសារធាតុញៀន ដោយប្រើប្រាស់ភ្នាក់ងារសម្ងាត់(B4)។

ប្រតិបត្តការនេះបានធ្វើឡើងកាលពីថ្ងៃទី៤ ខែកញ្ញា ឆ្នាំ២០១៧ស្ថិតនៅចំណុចក្រុម១៥ ភូមិ២ សង្កាត់៣ ក្រុង ខេត្តព្រះសីហនុ។

ប្រភពព័ត៌មានបានឲ្យដឹងថា កម្លាំងភ្នាក់ងារដកហូតបានថ្នាំញៀនពីឈ្មោះ DINO ROSSETO ភេទប្រុស អាយុ៥០ឆ្នាំ ជនជាតិអូស្ត្រាលី បច្ចុប្បន្នរស់នៅ ក្រុម២៦ ភូមិ៣ សង្កាត់៣ ក្នុងតម្លៃ១កញ្ចប់៧០ដុល្លារ។

ប្រភពដដែលបានឲ្យដឹងទៀតថា នៅពេលដែលបានឃាត់ខ្លួន DINO ROSSETO កម្លាំងសមត្ថកិច្ច ក៏នាំខ្លួនទៅឆែកនៅបន្ទប់ជួលរបស់គេ ដែលស្ថិតនៅក្រុម២៦ ភូមិ៣ សង្កាត់៣ ដកហូតបានថ្នាំញៀន១កញ្ចប់ទម្ងន់៤០.៨៥ក្រាម និងជញ្ជីងសម្រាប់ថ្លឹង១ រួមទាំងដបសម្រាប់ជក់១ទៀតផងដែរ។

បច្ចុប្បន្នកម្លាំងជំនាញ កំពុងកសាងសំណុំរឿង ដើម្បីបញ្ចូនជនសង្ស័យទៅតុលាការ៕