កំពង់ឆ្នាំងៈ លោកអធិការរងស្រុករលាប្អៀទទួលផែនចរាចរណ៍ បានប្រាប់ Post News ថា មានករណីគ្រោះថ្នាក់ចរាចរណ៍មួយរវាងរថយន្តស៊ាំយ៉ុង បានបុកជាមួយនឹងម៉ូតូម៉ាកស៊ុយសាគីស្មាស់ ពេញទំហឹង បណ្តាលឲ្យមនុស្ស២នាក់ស្លាប់យ៉ាងអាណោចអាធ័ម។

ហេតុការណ៍នេះបានកើតឡើងកាលពីវេលាម៉ោង១និង៥នាទី យប់ឈានចូលថ្ងៃទី១៣ ខែកញ្ញា ឆ្នាំ២០១៧ ស្ថិតនៅចំណុចគីឡូម៉ែត្រលេខ៨២-៨៣ តាមបណ្តោយផ្លូវជាតិលេខ៥ ក្នុងឃុំជ្រៃបាក់ ស្រុករលាប្អៀ ខេត្តកំពង់ឆ្នាំង។

គួរបញ្ជាក់បន្ថែមថា ករណីនេះបានបណ្តាលឲ្យមនុស្សប្រុស វ័យប្រហែល២២ ទៅ២៣ឆ្នាំចំនួន២នាក់ បានស្លាប់បាត់បង់ជីវិតភ្លាមៗយ៉ាងអាណោចអាធ័ម ហើយត្រូវបានសមត្ថកិច្ចធ្វើកំណត់ហេតុប្រគល់ឲ្យក្រុមគ្រួសារធ្វើបុណ្យតាមប្រពៃណី។ ចំណែករថយន្តនិងម៉ូតូ ត្រូវបានសមត្ថកិច្ចធ្វើការវាស់វែងយកទៅរក្សាទុកនៅអធិការដ្ឋាននគរបាលស្រុករលាប្អៀ រង់ចាំដោះស្រាយគ្នាពេលក្រោយតាមផ្លូវច្បាប់បន្តទៀត៕